Zdaroŭje školnikaŭ u Biełarusi praciahvaje paharšacca, zajaviła hałoŭny piedyjatr Ministerstva achovy zdaroŭja Alena Niaviera 4 sakavika na respublikanskaj naradzie ŭ Minsku.
Pavodle jaje słoŭ, u paraŭnańni z pačatkam 1990‑ch hadoŭ zachvorvańnie školnikaŭ vyrasła na 26%, zachvorvańnie padletkaŭ 15—17 hadoŭ — na 39%.
U 2008 hodzie ŭ Biełarusi naličvałasia 18,6% školnikaŭ z chraničnymi zachvorvańniami i invalidaŭ. Va ŭzrostavaj hrupie 15—17 hadoŭ hety pakazčyk dasiahaŭ 21,3%.Pry hetym situacyja z zachvorvańniem daškolnikaŭ niekalki palapšajecca. U 2008 hodzie na 5% źniziłasia zachvorvańnie dziaciej va ŭzrostavych hrupach da hoda i 1—4 hady. Jak ličyć hałoŭny piedyjatr, heta vynik praviadzieńnia šerahu prafiłaktyčnych mier.
Jak paviedamiła A.Niaviera, u apošnija hady źmianiajecca struktura dziciačych chvarob i charaktar ich ciačeńnia. Raście dziciačy traŭmatyzm. Tak, u struktury dziciačaj śmiarotnaści lidzirujuć źniešnija pryčyny (patapleńni, samahubstvy, zabojstvy, darožna‑transpartnyja zdareńni). Letaś ad źniešnich pryčyn zahinuli 336 dziaciej — 34,5% usich pamierłych niepaŭnaletnich.
U paraŭnańni z 2007 hodam letaś u dva razy — z 22 da 44 vypadkaŭ — uzrasła kolkaść dziciačych samahubstvaŭ.Na dumku śpiecyjalista, heta śviedčyć pra niedastatkovuju psichałahičnuju dapamohu padletkam, asabliva na vioscy.
0
0
0
0
0
0