U sieradu, 18 sakavika, biełarusy hulajuć sa zbornaj Niamieččyny ŭ Pałacy sportu. Uvachod svabodny.
Niamieckija handbalisty pryjechali ŭ Minsk z dobrym nastrojem i ŭ matčy ź biełarusami buduć hulać na pieramohu, paviedamiŭ BiełaPAN hałoŭny trenier zbornaj Hiermanii Chajnier Brand 17 sakavika paśla treniroŭki svajoj kamandy ŭ Pałacy sportu.
«U nas jość niekatoryja pytańni, źviazanyja z traŭmami šerahu hulcoŭ. Matč budzie ciažkim, ale my chočam vyjhrać», — padkreśliŭ trenier. Jon zhadziŭsia ź mierkavańniem svajho biełaruskaha kalehi Hieorhija Śvirydzienki, što traŭmy niamieckich handbalistaŭ vyhadnyja haspadaram. Pavodle słoŭ Ch.Branda, siarod jaho padapiečnych šmat maładych hulcoŭ.
Trenier zbornaj Hiermanii ličyć biełaruskuju kamandu mocnym sapiernikam: «Jana hulała ŭ finalnaj častcy papiaredniaha čempijanatu Jeŭropy, dastojna vyhladała ŭ płej‑of adboračnaha turniru čempijanatu śvietu suprać Rasii».
Ch.Brand zaznačyŭ, što sočyć za vystupleńniami hulcoŭ biełaruskaj zbornaj u niamieckaj bundeślizie, nazvaŭšy Siarhieja Horbaka i Andreja Kurčava; a taksama za kłubam «Dziusieldorf», jaki ŭznačalvaje H.Śvirydzienka.
Nastaŭnik niamieckaj zbornaj ličyć favarytami adboračnaj hrupy Hiermaniju, Słavieniju i Biełaruś. «Dźvie z hetych troch zbornych atrymajuć pucioŭki ŭ finał», — ličyć Ch.Brand.
Matč Biełaruś—Hiermanija projdzie 18 sakavika. Uvachod u Pałac sportu svabodny.
Stanovišča kamand u 5‑j hrupie: Słavienija — 6 ačkoŭ (4 hulni; roźnica miačoŭ 149‑98), Hiermanija — 4 (2; 69‑37), Biełaruś — 4 (2; 69‑59), Izrail — 2 (4; 121‑133), Bałharyja — 0 (4; 82‑163).
U listapadzie minułaha hoda biełarusy dvojčy pieramahli izrailcian — 38:31 i 31:28.
U finalnuju častku ČIE‑2010, jakaja adbudziecca ŭ Aŭstryi, vyjduć dźvie lepšyja kamandy kožnaj ź siami kvalifikacyjnych hrup.
