Zapazyčanaść biełaruskich pradpryjemstvaŭ pa kredytach i pazykach na 1 sakavika 2009 hoda skłała 42,54 trłn rubloŭ i pavialičyłasia ŭ paraŭnańni z 1 sakavika 2008 hodu ŭ 1,5 razu. U paraŭnańni z pačatkam hoda rost zapazyčanaści skłaŭ 11,5%, u tym liku za studzień — 6,3%, za luty — 4,8%, paviedamlaje Biełstat.
Na dolu pramysłovaści prypadaje 21,08 trłn rubloŭ zapazyčanaści, sielskaj haspadarki – 9,14 trłn rubloŭ, na handal i hramadskaje charčavańnie – 3,51 trłn rubloŭ, pradpryjemstvy materyjalna-techničnaha zabieśpiačeńnia i zbytu – 2,15 trłn rubloŭ, budaŭnictva – 1,87 trłn rubloŭ, transpart — 1,67 trłn rubloŭ.
Praterminavanaja zapazyčanaść pa kredytach i pazykach na 1 sakavika dasiahnuła 633,27 młrd rubloŭ, pavialičyŭšysia ŭ paraŭnańni z 1 sakavika minułaha hoda na 47,4%. U paraŭnańni z pačatkam hoda ja vyrasła na 32,2%, u tym liku za studzień — na 15,7%, za luty — na 14,3%. Pry hetym 283,14 młrd praterminavanaj zapazyčanaści prypadaje na dolu pramysłovaści, 253,86 młrd — na sielskuju haspadarku. Na handal i hramadskaje charčavańnie prypadaje 12,5 młrd, transpart – 8,78 młrd, budaŭnictva – 3,13 młrd. praterminavanaj zapazyčanaści.
