20 krasavika najbujniejšaja dziaržaŭnaja budaŭničaja kampanija «Mapid» praviała vialiki aŭkcyjon pa prodažy kvater u novym panelnym domie na vulicy Cimirazieva ŭ Minsku.Heta davoli prestyžny rajon, a sam dom — siaredniaj dla panelnaj zabudovy jakaści. Vynikaŭ aŭkcyjony ryełtery čakali jak pakazčyka ruchu cenaŭ na rynku.
Aŭkcyjon sabraŭ dźvie sotni ŭdzielnikaŭ. Na jaho vystaŭlałasia 23 kvatery. Popyt byŭ, ale vybaračny. Kvateru na pieršym paviersie nie kupiŭ nichto: nichto nie zachacieŭ dać za jaje bołlš za pačatkovuju canu.
Vynik byŭ taki:
kvadratny mietr u 3‑pakajoŭcy kaštavaŭ 980—1050 dalaraŭ, u dvojcy – 1075—1160, a ŭ adnapakajoŭcy – 1310—1400 dalaraŭ.
Heta byŭ pieršy z cykłu aŭkcyjonaŭ, jakija praviadzie «Mapid». U mai kampanija pradaść jašče 50 kvater u domie na vuł.Jankoŭskaha (Sucharava) i jašče 25 u tym samym domie na Cimirazieva.
Kab udzielničać u aŭkcyjonie, patencyjny kupiec maje ŭnieści zastavu ŭ pamiery dziesiaciny ad pačatkovaje cany łotu. A ŭ vypadku kupli na praciahu 15 dzion apłacić kuplu. Kali nie apłacić, zastavu tracić.
Pačatkovy košt adnapakajovak (37,7 kv.m) składaŭ 94 miljony rubloŭ, dvuchpakajovak (58 kv.m) – 145 młn, trojek (76 kv.m) – 191 młn.
Siaredniaja cana trochpakajovak vyjšła 220 miljonaŭ, dvuchpakajovak –190 miljonaŭ, adnapakajovak – pa 142 miljony.
