Vyznačyŭsia pieršy finalist futbolnaj Lihi čempijonaŭ.
Faktyčna ŭsio było vyrašana jašče na 11-j chvilinie hulni, kali MIU na «Emirejcs» («Ešbiertan Hroŭv») pavioŭ u liku 2:0.
Na 8-j chvilinie lik adkryŭ Čžy Sun Pak, na 11-j sa štrafnoha Kryšcianu Ranałdu lik padvoiŭ.
Tydzień tamu padapiečnyja sera Aleksa Fierhiusana vyjhrali 1:0, i ciapier «kananiram» treba było zabivać ažno čatyry miačy.
Ale na 61-j chvilinie lik staŭ 0:3. Paśla pryhožaj ataki druhi svoj hoł pravioŭ Kryšcianu Ranałdu.
Na 76-j chvilinie padapiečnym Arsiena Vienhiera ŭdałosia vypakutavać hoł prestyžu. Paśla dosyć sprečnaha vydaleńnia za foł apošniaj nadziei Darena Fletčera, Robin van Piersi realizavaŭ pienalci.
1:3, i MIU prajšoŭ u finał Lihi čempijonaŭ,u jakim jon hulaŭ i jaki vyjhraŭ letaś.
Supiernik MIU vyznačycca ŭ sieradu ŭ matčy, jaki taksama projdzie ŭ Łondanie, tolki na «Stemfard Brydž»:
«Čełsi» – «Barsiełona».
U pieršym matčy ŭ stalicy Katałonii była zafiksavana ničyja – 0:0.
Dźvie intryhi.Ci paŭtorycca finał minułaha hodu MIU – «Čełsi», i ci vyjdzie na pole Alaksandr Hleb.
Finał Lihi čempijonaŭ projdzie 27 traŭnia ŭ Rymie.
