Čyje ludzi pryjšli pjanymi na Kanhres jeŭrapiejskaha vybaru?
Staršynia arhkamitetu Sacyjał‑demakratyčnaj partyi «Svaboda» Siarhiej Skrabiec vybačyŭsia za niekarektnyja pavodziny niekatorych z delehataŭ ad jaho hrupoŭki padčas Kanhresu jeŭrapiejskaha vybaru i vykazaŭ mierkavańnie, što heta była pravakacyja: «Heta ŭvohule nie našyja ludzi. Heta ludzi, jakija naležać da adnaho viadomaha hramadskaha abjadnańnia, niadaŭna zarehistravanaha ź vielmi padobnaj nazvaj<...> Na siońniašni dzień jany ŭžo sami pryznalisia, što atrymali zadańnie ad kiraŭnictva svajho ruchu dyskredytavać Jeŭrapiejski kanhres».
Viktar Karniajenka, namieśnik staršyni Ruchu za Svabodu, zajaŭlaje, što heta paklop: «Nijakaha dačynieńnia Ruch za Svabodu nie maje ni da tych padziej, ni da tych ludziej, jakich niechta tam častavaŭ pivam. Palityčny impatent spadar Skrabiec adznačyŭsia jašče i chłuślivaściu. Nas nie cikaviać padziei, jakija nie datyčać pracy ź ludźmi i nie majuć kankretnych vynikaŭ».