Kala 17‑j aktyvista KCHP-BNF Kanstancina Ŭłanava, jakoha praviarali na datyčnaść da spravy Mikałaja Aŭtuchoviča, vyzvalili ź izalatara‑raźmierkavalnika na Akreścina.
Pra heta paviedamiła žonka aktyvista Taciana Ułanava.
«Advakat skazaŭ, što nijakaha abvinavačańnia jamu tak i nie vystavili. Jon byŭ padazravany, i pravierku skončyli. Zaraz jaho syn paviazie damoŭ. Kanstancin pačuvajecca drenna, budziem vyklikać da jaho lekaraŭ i lačyć», — skazała žančyna.
Nahadajem, Kanstancin Ułanaŭ byŭ zatrymany 8 lipienia. Ź im pravodzilisia dopyty i śledčyja dziejańni ŭ spravie Aŭtuchoviča. Padčas pieratrusu ŭ domie Ŭłanavych milicyjanty zabrali palaŭničuju strelbu.
Ułanavu 57 hadoŭ. I jon, były vajskoviec i vieteran vajny ŭ Aŭhanistanie, i jahonaja žonka, nastaŭnica fiziki, aktyŭna ŭdzielničali ŭ Narodnym Froncie.
0
0
0
0
0
0
