Prapampoŭvańnie dyzielnaha paliva na biełaruskim učastku naftapraduktavoda Unieča — Vientśpiłs rasijskaj kampanijaj «Zachad‑Transnaftapradukt» adnoviać 23 lipienia a 23‑j hadzinie.
Pra heta paviedamiŭ ahienctvu «Interfaks‑Zachad» načalnik pres‑słužby Ministerstva pa nadzvyčajnych situacyjach Vital Navicki.
Jon adznačyŭ, što «Zachad‑Transnaftapradukt» sioleta za pieršaje paŭhodździe likvidavaŭ 22 defiekty sa 150‑ci, pryznanych krytyčnymi. «A z taho momantu, jak prapampoŭvańnie było prypynienaje MNS, da siońnia likvidavana 14 defiektaŭ. Vynik pakazalny», — padkreśliŭ sp. Navicki.
Pavodle słoŭ pradstaŭnika MNS, data zapusku 23 lipienia vyznačanaja kampanijaj «Zachad‑Transnaftapradukt», bo akurat ciapier idzie ramont trubapravodu.
Raniej Interfaks paviedamlaŭ, što pavodle pres‑słužby ŭradu RF zapusk truby płanujecca na 5 žniŭnia. «Heta prava kampanii. Im moža spatrebicca bolej času dla likvidacyi defektaŭ», — prakamientavaŭ hetuju datu Navicki.
U pres‑słužbie MNS asabliva adznačyli, što spynieńnie naftapraduktavoda i uznaŭleńnie jaho pracy «nijak nie źviazanaje z pytańniami Raśsielhascharču da biełaruskich pradpryjemstvaŭ».
Situacyju vakoł naftapraduktavodu siońnia abmiarkoŭvali pa telefonie vice‑premjery Biełarusi i Rasii Uładzimir Siamaška i Ihar Siečyn.
Biełaruski ŭčastak mahistralnaha naftapraduktavodu Unieča — Vientśpiłs» ekspłuatujecca kampanijaj «Zachad‑Transnaftapradukt», jakaja ŭvachodzić u skład akcyjaniernaj kampanii «Transnaftapradukt», ułaśnika biełaruskaha ŭčastku. Hadavy abjom tranzitu naftapraduktaŭ cieraź Biełaruś składaje kala 10 miljonaŭ ton.
