Admysłovy brytanski sajt, pryśviečany pandemii hrypu A1N1 (t.zv. «śvinomu» hrypu), pačaŭ pracu 26 lipienia.
Užo ŭ paniadziełak a 3-j hadzinie, nie vytrymaŭšy napłyvu naviedvalnikaŭ, jon paprostu «loh»
—2600 naviedvalnikaŭ u siekundu, 9,3 miljony za hadzinu.
Sajt dazvalaje nie tolki daviedacca bolej pra simptomy chvaroby, ale i zapoŭnić śpiecyjalnuju ankietu. Pieršyja niekalki pytańniaŭ vyśviatlajuć ahulny stan čałavieka. Pry najaŭnaści ŭ adkazach naviednika tryvožnych faktaraŭ, što śviedčać pra paharšeńnie jaho stanu, zapaŭnieńnie spyniajecca, i karystalnik atrymlivaje rekamiendacyju nieadkładna źviarnucca ŭ słužbu chutkaj dapamohi.
Pavodle słovaŭ hałoŭnaha ŭrača Vialikabrytanii sera Łajema Donaldsana, tolki niekalki tysiač naviedvalnikaŭ nasamreč byli zakłapočany stanam svajho zdaroŭja i realna šukali infarmacyju pra simptomy chvaroby, astatnija miljony brytancaŭ prosta chacieli na svaje vočy pabačyć sajt. Tym nie mienš, dadaŭ jon, šmatlikija papiarednija prahnozy, što pradkazvali Brytanii najbolš ciažkija varyjanty raźvićcia pandemii, nie spraŭdzilisia.
Varta adznačyć, što on‑łajn zabieśpiačeńnie baraćby z A1N1 ser Łajem Donaldsan pastaviŭ na naležny ŭzrovień. Čaho vartyja chacia b raźmieščanyja kolki dzion tamu na aficyjnym sajcie departamienta achovy zdaroŭja jahonyja parady ciažarnym žančynam pa prafiłaktycy A1N1.
