Pad hetaj ścipłaj sidzišnaj vokładkaj chavajecca cełaja kraina. Prynamsi, na hetym nastojvajuć stvaralniki multymiedyjnaha časopisa «34». Treba adno pastavić źmieściva, kružełku, u kampjutar i možna pačać hladzieć, čytać, słuchać pra dziaržavu, da jakoj ad nas pa vialikim rachunku, 0 kiłamietraŭ. Cikava, cikava, i što tam u siaredzinie...
Śpiarša načepim ružovyja akulary. Daścipny nieaadradženski komiks pra adrasy i šyldy biełaruskaj Miekki. Dla nastalhujučych pa idei «Niaichniaj Vilni» – pračuły apoviad vilenčuka-biełarusa. Potym akulary rezkim rucham zdymajucca i my znajomimsia ź Litvoj vačyma samich litoŭcaŭ. Tut i vox populi - zamaloŭki ź vilenskaha rynka «Kalvaryja», i vox intellectuali - paznavalnaja videa-vyprava pa vilenskich vułkach z zachodam na nie mienš vilenskija zavułki i zavuholli.
Jašče na dysku Litouskaja Pravda - intervju z baćkam samaha hałoŭnaha red-chot-čyli-pierca Entani Kidzisa, litoŭca z pachodžańnia, a taksama hutarki z tamtejšymi mastakami i dyzajnierami. Paciešyć spažyŭca multymiedyi taksama śpis-ahlad kultavych baraŭ i kłubaŭ Vilni.
I zusim užo biespasiarednie – na dysku Litouskaja Pravda chavajecca cełaja kalekcyja jaskravaj litoŭskaj muzyki i składanka videaklipaŭ.
Choć multymiedyjnaja kružełka atrymałasia vilnia- i bahiemacentryčnaja, ale, akramia stocisa, sakocisa i Sabonisa, našych viedaŭ u litvaznaŭstvie istotna paboleła. Mini-vysnova? U Litoŭskaj Respublicy taksama žyvuć tvorčyja i talenavityja ludzi, jakich turbujuć tyja ž pytańni:
ci valuchać u Jeŭropu/Rasiju, kab chočaš prasłavicca doma?
na jakoj movie tvaryć: na rodnaj ci na ahulnapryniataj? (z 16 litoŭskich pieśniaŭ, padadzienych na dysku, tolki adna praśpiavanaja pa-litoŭsku, astatnija - vyklučna inhliš).
Adno biantežyć, što taki fajny i całkam pradavabielny dysk nielha nabyć adkryta: adno ciškom-niškom atrymać u darunak ad siabroŭ, abo pabačyć na sajcie časopisa.
Hladzi jašče: Što viedajuć litoŭcy pra Biełaruś?
...i biełarusy pra Litvu?
