Pasolstva Italii pravodzić kulturnuju akcyju «Italjanaskaje Adradžeńnie ŭ Biełarusi». Jak paviedamlaje pres-słužba pasolstva, akcyja projdzie z 1 kastryčnika pa 14 listapada.
U jaje ramkach zapłanavana vystava ŭ Nacyjanalnym mastackim muziei pałatna Parysa Bardonie «Madonna ź niemaŭlom pamiž sv. Enryka z Upsały i sv. Antonia», jakaja pradstaŭlena muziejem Corrado Giaquinto (pravincyja Bary).
«Heta praca — adna ź viaršyniaŭ stałaha talentu mastaka, jaki aryhinalnym sposabam pierapracoŭvaje ŭpłyŭ Džardžonie i Tycyjana. Karcina taksama ilustruje hieahrafiju žyćcia Bony Sforcy ad italjanskich ziemlaŭ Łambardzii i Apulii da byłych terytoryj Vialikaha Litoŭskaha kniastva», — havorycca ŭ pres-relizie pasolstva.
3 kastryčnika ŭ Niaśvižy i Miry i 4 kastryčnika ŭ Minsku projdzie vystupleńnie ściahanoscaŭ z Kavy dy Tyreni (Salerna).
19 kastryčnika ŭ Muziei knihi ŭ Nacyjanalnaj biblijatecy adkryjecca vystava, pryśviečanaja vydadzienym u Italii inkunabułam i kniham XVI stahodździa, jakija zachoŭvalisia ŭ pryvatnych i carkoŭnych biblijatekach Biełarusi.
31 kastryčnika na scenie Nacyjanalnaha akademičnaha teatra imia Janki Kupały kalektyŭ Małaha teatra ź Miłana pradstavić pjesu Karła Haldoni «Arlekin — słuha dvuch haspadaroŭ» u pastanoŭcy Džordža Štechlera.
Akramia taho, u ramkach prajekta «Italjanskaje Adradžeńnie ŭ Biełarusi» projdzie kanhres italjanska-biełaruskich dabračynnych asacyjacyj, biznes-forum «Najbolš pierśpiektyŭnyja mahčymaści handlova-ekanamičnaha supracoŭnictva pamiž Italijaj i Biełaruśju», kancert hurta Tenores.
Taćciana Karaviankova, BiełaPAN