U 2013 h. kala Cyrku źjavicca dzieviacipaviarchovy šmatfunkcyjanalny kompleks. U achviaru jamu prynieśli budynki pieršaj minskaj elektrastancyi — pomnika pramysłovaj architektury XIX st.
Vyhlad z boku praśpiekta Niezaležnaści.
Inšy varyjant: budynki kompleksu nižejšyja.
Vyhlad z boku Śvisłačy.
Piešachodnaja zona.
Vyhlad z boku Kastryčnickaj płoščy.
Budynki pieršaj minskaj elektrastancyi. Fota globus.tut.by
Nierealizavany prajekt «Kiempinski» ŭ vierchnim horadzie.
Naprykancy listapada 2009 hoda ŭ časie abmierkavańnia pierśpiektyŭ raźvićcia biełaruskaj stalicy Alaksandr Łukašenka ŭchvaliŭ padkarektavany hienieralny płana Minska da 2030 hoda. U tym liku najvyšejšaje adabreńnie atrymali płany pabudovy novaha šmatfunkcyjanalnaha kompleksu z hatelem «Kiempinski». Kompleks maje paŭstać ŭ 2013 hodzie na ŭčastku ŭ miežach praśpiekta Niezaležnaści, vulicy Janki Kupały i raki Śvisłač niepadalok ad Biełdziaržcyrka. Prajektavańniem zojmiecca maskoŭskaja architekturnaja majsternia «SPeeCH», jakaja ŭžo sprajektavała hateli «Kempinski» ŭ Nižnim Noŭharadzie i Kijevie.
U achviaru budučamu hatelnamu kompleksu prynieśli budynki pieršaj minskaj elektrastancyi — pomnika pramysłovaj architektury XIX st. 16 vieraśnia 2009 h. Respublikanskaja navukova-mietadyčnaja rada pa pytańniach historyka-kulturnaj spadčyny pry Minkultury pastanaviła pakinuć budynki elektrastancyi ŭ Dziaržśpisie historyka-kulturnych kaštoŭnaściej. Adnak los pomnika vyhladaje vyrašanym. Prynamsi, u pryśviečanym minskamu prajektu «Kempinski» artykule, raźmieščanym na sajcie Ahienctva architekturnych navinaŭ, pra heta havorycca, jak pra fakt: «Na samym učastku zaraz raźmieščana niekalki pramysłovych abjektaŭ, jakija padlahajuć znosu».
Jak ža budzie vyhladać šmatfunkcyjanalny kompleks z hatelem «Kiempinski» ŭ rajonie Biełdziaržcyrku? Jon budzie składacca z čatyroch budynkaŭ — hatel, dva korpusy apartamientaŭ i ofisny błok. Hatelnaja častka budzie źviernutaja da Śvisłačy, ofisnaja — da praśpiektu. Ahulnaja płošča kompleksu siahaje 50000 kv.m., ź ich padziemnaja častka z parkinham — kala 18 tysiač kv.m. Cikava, što infarmacyja pra kolkaść pavierchaŭ budučaha komleksu ŭ roznych krynicach roznaja. Tak, na sajcie kampanii-prajekciroŭščyka havorycca pra 10 pavierchaŭ, a Ahienctva architekturnych navinaŭ paviedamlaje pra 9. Jość adroźnieńni i ŭ vyjavach hatelnaha kompleksu: na sajcie «SPeeCH» budučy hatel vyhladaje vyšejšym.
Z rasijskich krynicaŭ možna daviedacca taksama pra asabistyja pažadańni minskich uładaŭ da budučaha kompleksu: «Dobraŭparadkavańnie nabiarežnaj i arhanizacyja tut piešachodna-handlovaj zony pradyktavanyja nie tolki horadabudaŭničaj łohikaj raźvićcia, ale i pradpisańniami minskich uładaŭ». Prajekciroŭščyk abiacaje zachavać maštabnaść i tanalnaść najaŭnaj u rajonie zabudovy.
Nahadajem, što hatelny apieratar «Kiempinski» nie ŭpieršyniu da budaŭničych placovak Minska. Papiaredni prajekt, jaki praduhledžvaŭ pabudovu chmaračosu na Kastryčnickaj na hrošy siryjskaha inviestara, praź finansavy kryzis, padajecca, adkładzieny na niapeŭny čas. Sam prajekt śpiecyjalisty rascanili, jak pahrozu cełasnaści ansambla Kastryčnickaj płoščy i siłuetu Vierchniaha horadu.
