Adkazvajučy na pytańni žurnalistaŭ, jeŭrapiejskija dypłamaty tradycyjna vykazvalisia pra hatoŭnaść krain — udzielnic Jeŭrasajuza da bolš aktyŭnaha i hłybokaha dyjałohu, samaj prydatnaj placoŭkaj dla jakoha padajecca prahrama «Uschodniaje partniorstva».
Ahulny ton vykazvańniaŭ byŭ dalikatnym i strymanym: ad Biełarusi pa‑raniejšamu čakajuć chadoŭ u adkaz i taktoŭna nahadvajuć, što raźvićcio padziej zaraz całkam zaležyć ad rašeńniaŭ biełaruskich čynoŭnikaŭ.
Nahladnym prykładam taho, jak pracuje pryncyp uzajemnaści ŭ adnosinach Biełarusi i Jeŭropy, staŭ vizavy režym. Jak vystietliłasia,
u hetym pytańni ES zajmaje niečakana žorstkuju i adnaznačnuju pazicyju, ahučanuju padčas niadaŭniaj pres‑kanfierencyi Nadzvyčajnym i Paŭnamocnym Pasłom Vienhierskaj Respubliki Fierencam Kontra:
‑ Na minułym tydni ŭ Minsku pracavała kamisija, jakaja źbirała fakty, zdolnyja paŭpłyvać na pryniaćcie rašeńnia nakont źmieny vizavaha režymu pamiž Biełaruśsiu i jeŭrapiejskimi krainami. Z adnaho boku, ekśpierty adznačajuć pazityŭnyja tendencyi: pahadnieńnia ab pamiežnych terytoryjach i małym pamiežnym ruchu, jakija zaklučajucca Biełaruśsiu z susiednimi dziaržavami. Jak viadoma, Litva i Polšča ŭžo hatovy padpisać pakiet nieabchodnych dakumientaŭ, i ciapier pahadnieńnia pavinny ŭchvalić biełaruskija čynoŭniki. Ź inšaha boku, u pačatku hoda była pavialičana košt ŭjaznych biełaruskich viz, jakija vydajucca ŭ aeraporcie.
Ja miarkuju, heta nie lepšy sposab adkazać na inicyjatyvu Jeŭrasajuza pra pačatak pieramovaŭ, što tyčać spraščeńnia vizavaha režymu.
***
Takim čynam, pazicyja Jeŭrasajuza całkam prazrystaja i zrazumiełaja. A voś dziejańni biełaruskich uładaŭ naŭrad ci paddajucca tłumačeńniu. Jakimi b raspłyvistymi ni padavalisia dypłamatyčnyja farmuloŭki, adnosiny ź Jeŭropaj, u tym liku i vizavyja pytańni,
naŭprost zaležać ad dziaržčynoŭnikaŭ. I pakul jany nie pačnuć prymać rašeńni, nasamreč hruntujučysia na pryncypach uzajemnaści,
biełaruskim hramadzianam ab dastupnym «šenhienie» navat i maryć nie varta.
