Respublikanskaje hramadskaje abjadnańnie «Tavarystva biełaruskaj škoły» (TBŠ) z 2007 hoda sistematyčna pravodzić konkurs «Biełaruski Nastaŭnik hoda».
Užo hanaravana niamała nastaŭnikaŭ i kiraŭnikoŭ škoł, licejaŭ i himnazij, jakija viaduć navučańnie na biełaruskaj movie. Pieramožcami jaho stanoviacca nie tolki vydatniki adukacyi, prafiesary, ale i prostyja piedahohi ciarednich adukacyjnych, daškolnych i pazaškolnych ustanoŭ respubliki.
Sioleta abviaščajecca čarhovy konkurs. U im mohuć pryniać udzieł piedahohi usich typaŭ adukacyjnych i vychavaŭčych ustanoŭ (ad daškolnych da kaledžaŭ), akramia VNU, sa stažam pracy nie mienš troch hadoŭ. Na kandydata konkursa zapaŭniajecca ankieta (dadajecca) rekamiendujučaj arhanizacyi, ustanovy, abo samim piedahoham i dasyłajecca da 10.05.2010 na adzin z adrasoŭ: [email protected], abo inšyja, jakija možna atrymać pa daviedačnamu telefonu 8029‑7520821. Mohuć dadavacca inšyja materyjały, što paćviardžajuć vysokija vartaści kandydata. Pry nieabchodnaści žury TBŠ moža naviedać ustanovu kankursanta.
Konkurs budzie aśviatlacca ŭ presie i na staroncy ŭ internecie na sajcie nastaunik.info
Zadačy konkursa:
maralnaja padtrymka biełaruskamoŭnych piedahohaŭ adukacyjnych ustanoŭ;
pryciahnieńnie ŭvahi hramadskaści da prablem rodnamoŭnaha vykładańnia i vychavańnia ŭ bazavych i siarednich škołach, daškolnych i pazaškolnych ustanovach, licejach, himnazijach i kaledžach;
farmiravańnie hramadskaj dumki ab prestyžnaści navučańnia pa‑biełarusku;
abjadnańnie biełaruskamoŭnych piedahohaŭ, spryjańnie ich supracoŭnictvu, abmienu dośviedam pracy, arhanizacyi supolnych prajektaŭ i inš.
Kryteryi vyznačeńnia pieramožcaŭ konkursa:
vykładańnie pa‑biełarusku dyscypliny ci praviadzieńnie vychavaŭčaj pracy na rodnaj movie;
prafiesijanalizm i navatarstva, tvorčaść i navukovaść;
aŭtarytet siarod kaleh, baćkoŭskaj hramadskaści i navučencaŭ;
vysokaja hramadzianskaja pazicyja.
Usie dastojnyja kandydaty buduć adznačany dypłomami TBŠ, asobna buduć hanaravany try pieramožcy‑łaŭreaty da letnich vakacyj. Paŭtorna mohuć prymać udzieł u konkursie ŭsie dypłamanty TBŠ, akramia pieramožcaŭ.
