Hurt «Lapis Trubiacki» daść vialiki solny kancert u Minsku. Jon adbudziecca 9 maja ŭ Pałacy sportu.
Pradziusier hurtu Jaŭhien Kałmykoŭ paviedamiŭ, što pieršapačatkova płanavałasia vystupić u minskim Futbolnym maniežu. Admovicca pryjšłosia z-za pažarnych norm biaśpieki, pa jakich dazvalajuć prysutničać na kancercie tolki piaci tysiačam čałaviek. Ale heta mała, ličyć pradziusier. A źviartacca da «Minsk-Areny» nie zachacieli z-za jaje niazručnaści ŭ praviadzieńni padobnych vystupaŭ.
Mahčyma, na razahrevie ŭ rok-karaloŭ adyhraje hurt The Toobes. Pakul z kamandaj viaducca pieramovy.
U sakaviku «Lapis Trubiacki» prajedzie z turam u padtrymku alboma «Kultpraśviet» pa abłasnych haradach Biełarusi. 12 sakavika «Lapisy» vystupiać u Homieli, 13 — u Viciebsku, 14 — u Mahilovie, 19 — u Breście, 20 — u Hrodnie. A 4 sakavika hurt prymie ŭdzieł u «Rok-karanacyi» ŭ staličnym kłubie «Reaktar».
