U Kobrynskim rajonie na strausavaj fiermie sumiesnaha biełaruska‑polskaha TAA «PM i kampanija», jakaja raźmiaščajecca niepadalok ad vioski Kozišča, vartaŭnik zabiŭ pałkaj čatyroch ptušak.
Jak paviedamili ŭ Kobrynskim RAUS, 8 krasavika ŭ dačynieńni da vartaŭnika adździaleńniem daznańnia była raspačata sprava na padstavie č. 1 art. 218 Kryminalnaha kodeksa (naŭmysnaje źniščeńnie abo paškodžańnie majomaści).
Pavodle źviestak śledstva, viečaram 1 krasavika 30‑hadovy mužčyna padčas dziažurstva na strausavaj fiermie abychodziŭ jaje terytoryju i ŭbačyŭ, što adna ptuška vyjšła z zahona. Na praciahu 40 chvilin jon zahaniaŭ strausa.
Paśla čaho zajšoŭ u zahon i staŭ źbivać pałkaj ptušak, jakija znachodzilisia tam. U vyniku čatyry strausy zahinuli. Ranicaj rabotnikam fiermy vartaŭnik zajaviŭ, što adbyŭsia pamorak ptušak.
Ustanoŭlena, što vartaŭnik znachodziŭsia ŭ stanie ałkaholnaha apjanieńnia. Suma ŭronu, naniesienaja pradpryjemstvu, składaje amal 6,5 młn. rubloŭ.
Pravodzicca rasśledavańnie.
0
0
0
0
0
0
