U Centrvybarkam 14 krasavika pieradadzieny dakumienty na rehistracyju inicyjatyŭnaj hrupy pa praviadzieńni refierendumu suprać pavieličeńnia mytnych pošlin na aŭtamabili.
Inicyjataram refierendumu vystupiła Partyja BNF. Jak paviedamiŭ jaje lider Alaksiej Janukievič, u skład inicyjatyŭnaj hrupy ŭvajšli 122 čałavieki z usich abłaściej krainy i Minska. Na refierendum vynosicca pytańnie: «Ci padtrymlivajecie vy zachavańnie pamieru mytnych pošlin na ŭvoz u Respubliku Biełaruś lehkavych aŭtamabilaŭ zamiežnaj vytvorčaści na ŭzroŭni 26 listapada 2009 hoda?»
Na praciahu miesiaca Centrvybarkam pavinien pravierać zakonnaść stvareńnia inicyjatyŭnaj hrupy i pryniać rašeńnie adnosna jaje rehistracyi. Rašeńnie CVK budzie vynosić z ulikam zaklučeńnia Ministerstva justycyi ab tym, ci moža hetaje pytańnie razhladacca na respublikanskim refierendumie.
U vypadku rehistracyi inicyjatyŭnaj hrupy refierendum moža prajści ŭ červieni 2010 hoda.
Inicyjatyva praviadzieńnia respublikanskaha refierendumu pa pytańni pavyšeńnia mytnaj pošliny na aŭtamabili była vystaŭlena Partyjaj BNF u śniežni 2009 hoda.
U kiraŭnictvie partyi ličać, što pahadnieńnie ab stvareńni Mytnaha sajuza, padpisanaje 27 listapada 2009 hoda ŭ Minsku kiraŭnikami Biełarusi, Kazachstana i Rasii, «ihnaruje intaresy značnaj častki hramadzian Biełarusi, dla jakich uvachodžańnie ŭ siłu padpisanych dakumientaŭ paciahnie paharšeńnie asabistaha materyjalnaha dabrabytu ŭ suviazi sa značnym pavyšeńniem mytnych taryfaŭ i, adpaviedna, cen na važnyja katehoryi tavaraŭ, u pryvatnaści na lehkavyja aŭtamabili».
Pakul pavyšeńnie pošlin zakranuła jurydyčnyja asoby i indyvidualnych pradprymalnikaŭ. Z novaha hoda pošliny daviedzieny da ŭzroŭniu rasijskich, na niekatoryja impartnyja aŭtamabili jany pavialičylisia ŭ 10 razoŭ.
Dla fizičnych asob u miežach Mytnaha sajuza novyja praviły ŭvozu aŭtamabilaŭ pakul nie vyznačany. Čakajecca, što pošliny na ŭvoz transpartnych srodkaŭ fizasobami pavysiacca 1 lipienia 2010 hoda, kali pavinien nabyć moc Mytny kodeks i zapracavać u poŭnym ab`iomie Mytny sajuz Biełarusi, Kazachstana i Rasii.
Raniej Janukievič zajaviŭ, što inicyjatyŭnaja hrupa zmoža sabrać bolš za miljon podpisaŭ hramadzian u padtrymku refierendumu, a nie tolki nieabchodnyja pavodle zakonu 450 tys.
N jaho dumku, admova ŭ rehistracyi inicyjatyŭnaj hrupy budzie śviedčyć pra niežadańnie ŭładaŭ abaraniać intaresy nasielnictva.
