Za dva dni na vybarach deputataŭ miascovych savietaŭ daterminova prahałasavała 8,7% vybarščykaŭ, paviedamiŭ sakratar Centravybarkama Mikałaj Łazavik.
U Hrodzienskaj vobłaści za dva dni prahałasavała 7,1% vybarščykaŭ, Bresckaj — 7,2%, Minskaj — 8,8%, Viciebskaj — 9,6%, Mahiloŭskaj — 10,2%, Homielskaj — 10,9%, u Minsku — 7,5%
Łazavik vykazaŭ mierkavańnie, što źniaćcie paroha jaŭki vybarščykaŭ na miascovych vybarach budzie ŭpłyvać na źnižeńnie kolkaści hramadzian, jakija prahałasavali daterminova.
«Adnak maje prahnozy nie apraŭdalisia, — skazaŭ sakratar Centrvybarkama. — Napeŭna, Centrvybarkamu nie varta zajmacca prahnozami. Treba realna aceńvać situacyju. Ludzi ŭ Biełarusi dyscyplinavanyja. Starejšaje pakaleńnie imkniecca realizavać svajo vybarčaje prava ŭ dobraje nadvorje. Moładź taksama adhuknułasia na zakliki arhanizataraŭ vybaraŭ. Maładyja ludzi časta pravodziać vychodnyja dni za miežami vybarčych akruh, tamu jany prahałasavali zahadzia».
