Vydańnie «Letapisy i chroniki Biełarusi» farmalna źjaŭlajecca dadatkam da dzieviataha numaru časopisa ARCHE za 2009 h., jaki byŭ pryśviečany tysiačahodździu sumiesnaha isnavańnia Litvy i Biełarusi. Adnak faktyčna hetaja kniha budzie cikavaja navat tym, chto ab časopisie ARCHE dahetul ničoha nie čuŭ.
Nikifaraŭski, Supraski, Akademičny, Słucki, Vilenski, Alšeŭski, Barkułabaŭski i inšyja letapisy, a taksama Chronika litoŭskaja i žamojckaja, chronika Bychaŭca dy šmatlikija ŭryŭki ź letapisaŭ susiednich ziamiel sabranyja pad adnoj vokładkaj. Vydańnie ŭkładzienaje na asnovie 32-ha i 35-ha tamoŭ Poŭnaha zboru ruskich letapisaŭ i źmiaščaje, akramia pradmovy ŭkładalnika Vasila Varonina, pradmovu najbolšaha znaŭcy biełaruskaha letapisańnia Mikoły Ułaščyka, jakuju jon napisaŭ da zhadanych tamoŭ zboru letapisaŭ.
Asablivuju cikavaść dla historykaŭ i amataraŭ minuŭščyny buduć ujaŭlać mienavita vybranyja ŭryŭki z ruskich letapisaŭ, što časam dapaŭniajuć biełaruska-litoŭskija letapisy, a časam padajuć całkam nieadpaviednuju im infarmacyju.
Chroniki i letapisy Biełarusi. Siaredniaviečča i rańniemaderny čas. Tematyčny dadatak da numaru ARCHE №9 za 2009 (Biełaruś i Litva: 1000 hod razam), układańnie V.Varonin, Mn., 2010.
