15 maja Minsk dałučycca da suśvietnaj akcyi «Noč muziejaŭ». Muziei buduć pracavać da paŭnočy, mnohija ‑‑ biaspłatna.
Nacyjanalny mastacki muziej (vuł. Lenina, 20) zaprašaje na «Viečar u francuzskim styli». Teatralizavanaje pastanoŭka «Paryž: sny najavie» dazvolić naviedvalnikam pavandravać pa francuzskaj stalicy roznych časoŭ. U hety viečar adkryjecca vystava Iłony Kasabuka «Maja Francyja», projdzie prezientacyja knihi Uładzimira Ščasnaha «Mastaki paryžskaj škoły ź Biełarusi».
Dla damaŭ u kapielušach i palčatkach i spadaroŭ u čornych cylindrach i z butańjerkami (maleńki bukiet na łackanie harnitura) naviedvańnie muzieja budzie biaspłatnym.
Uvachod z 19.00 da 24.00.
U Nacyjanalnym histaryčnym muziei (Marksa, 12) adbudziecca adkryćcio vystavy žyvapisu, pryśviečanaj 600‑hodździu Hrunvaldskaj bitvy (uvachod tolki pa zaprašalnikach). Na hadzinu budzie vystaŭleny ŭnikalny pradmiet z fondaŭ muzieja. Jaki — nie raskryvajecca. Naviedvalnikaŭ taksama čakaje kaściumavany «Bal u honar V. Vańkoviča». U zale «Staražytnaja Biełaruś» adbudziecca interaktyŭnaje dziejańnie «Ažyŭleny muziej». Siaredniaviečnyja rycary navučać žadajučych tancam XV—XVI stst. Hrać buduć hurty «Tutejšaja šlachta», Landers, «Chorcica», «Ejrut». U adnoj z vystavačnych załaŭ projdzie prezientacyja lepšych madelej ź fiestyvalu «Młyn mody 2010». A dva kaściumy padorać muzieju. Va ŭnutranym dvoryku adkryjecca tancavalnaja placoŭka, na jakoj buduć indyjskija, irłandskija, łacinskija tancy. Śpiavačka Hiunieš vystupić z solnaj prahramaj.
Adkryćcio vystavy a 18.00, pačatak astatnich mierapryjemstvaŭ a 19.00
U muziei Maksima Bahdanoviča (Bahdanoviča, 7a) projdzie «Viasielle − NON STOP». A 15 hadzinie pačniecca paetyčna‑zabaŭlalnaja prahrama «U łabiryncie kachańnia», jakaja źmienicca «Himnam kachańniu». Naviedvalnikaŭ taksama čakaje majstar‑kłas pa «Tancy kachańnia». Dźviery muzieja buduć adčynieny da 22.00.
DK Łošycki (Majakoŭskaha, 129) zaprašaje na viečarynku «Muziej madam Ciuso tančyć salsu». Viečarynka projdzie z 22.00 da 5.00 (z 23 hadzin DK začyniajecca da ranicy). Dadatkovaja infarmacyja pa telefonach +375 29 605 15 01, +375 29 505 10 01.
Muziej Vialikaj Ajčynnaj vajny Noč muziejaŭ sustrenie ŭ v. Stańkava z sałdackaj kašaj, vajennymi pieśniami i interaktyŭnymi hulniami.
