Dniami ŭ Respublikanski navukova‑praktyčny centr traŭmatałohii i artapiedyi byŭ špitalizavany arcybiskup Mitrapalit Minska‑Mahiloŭski na piensii, Apostalski Administratar Pinskaj dyjacezii kardynał Kazimir Śviontek.
Starejšy na Biełarusi katalicki śviatar złamaŭ šyjku ściahna. Uličvajučy ŭzrost pacyjenta, a taksama typ pierałoma, miedyki vyrašyli nie stavić Kazimiru Śvionteku pratez, a zrabić mienš traŭmatyčnuju apieracyju — ustanavić mietałakanstrukcyju.
Zaraz Kazimir Śviontek znachodzicca ŭ reanimacyjnym adździaleńni RNPC, dla jaho abstalavany asobny błok. Kardynała rychtujuć da apieracyi.
Treba adznačyć, što Kazimir Śviontek nie tolki najstarejšy na Biełarusi katalicki śviatar. Na siońniašni dzień najstarejšymi kardynałami ŭ śviecie źjaŭlajucca italjaniec Erziljo Tanini i biełaruski ijerarch Kazimir Śviontek. Im pa 95 hadoŭ.
Kardynał Śviontek, narodžany ŭ Estonii ŭ polskaj siamji, pierajechaŭ na terytoryju Biełarusi maładym. U stalinskija časy jaho asudzili da śmierci, adnak z kamiery śmiarotnikaŭ Bieraściejskaj turmy jon vyjšaŭ, bo Hiermanija napała na Saviecki Sajuz. Paśla vajny jon usio ž adsiedzieŭ 10 hadoŭ u łahierach.
Kardynał uznačaliŭ adradžeńnie kaścioła ŭ Biełarusi paśla padzieńnia Savieckaha Sajuza i ŭsim sercam padtrymaŭ kurs na jaho biełarusizacyju.