Navučalny 2009/2010 hod u ahulnaadukacyjnych ustanovach ź biełaruskaj i ruskaj movami navučańnia zakančvajecca 31 maja, paviedamili ŭ Ministerstvie adukacyi Biełarusi.
Zaviaršeńnie navučalnaha hoda dla asnoŭnaj kolkaści školnikaŭ aznačaje i start letniaj azdaraŭlenčaj kampanii, ale dla 9‑ch i 11‑ch kłasaŭ pačynajecca haračaja para ispytaŭ.
Vypusknyja ekzamieny projduć z 1 červienia pa 12 červienia.
Nahadajem, što sioleta źmienaŭ u płanie zdačy vypusknych ekzamienaŭ na ŭzroŭni ahulnaj bazavaj i siaredniaj adukacyi niama. Vypuskniki bazavaj škoły zdajuć čatyry abaviazkovyja ispyty (biełaruskuju abo ruskuju movy, matematyku — piśmova, historyju Biełarusi — vusna i adzin ispyt na vybar).
Vypuskniki siaredniaj škoły zdaduć try ispyty.
Ź ich abaviazkovymi źjaŭlajucca dva piśmovyja: pa movie (biełaruskaj abo ruskaj — na vybar vučnia) i pa matematycy. Treci ispyt vučni vybirajuć samastojna. Pryčym vypuskniki 11‑ch zvyčajnych i štrychkłasaŭ škoł, himnazij i licejaŭ Biełarusi buduć zdavać ispyty pa adnolkavych zadańniach.
