«Na pačatku treciaha dziesiacihodździa niezaležnaści my viartajemsia da rasčaravańnia i niedavieru da palityki, dziaržustanovaŭ, da samich sabie i dziaržavy», — zajaviła Dala Hrybaŭskajcie padčas štohadovaha pasłańnia.
Dakład prezidenta sabraŭ poŭnuju zalu. U parłamient byli zaprošanyja nie tolki deputaty, ale i členy ŭrada, jeŭradeputaty, kiraŭniki padspravazdačnych parłamientu viedamstvaŭ, sudoŭ, zamiežnyja dypłamaty, mery, a taksama členy delehacyi izrailskaha Kniesieta.
«My dajšli da kropki, u jakoj patrebny istotny pierałom. Litva ŭžo saśpieła dla pieramienaŭ. Ja paprašu vas nabracca palityčnaj voli i palityčnaj śmiełaści. I pryznać, što my zatrymalisia, bo stracili napramak. Skłaŭšy dziesiatki tamoŭ stratehij i prahram, u jakich krasujucca sotni vysakarodnych pryjarytetaŭ, my stracili samy hałoŭny. My zabyli pra čałavieka», — adznačyła prezident.
«Hety kaštoŭnasny aryjencir varta ŭžyvać paŭsiudna — u dačynieńni da vysokapastaŭlenych słužbovych asob i dziaržaŭnych słužačych nizkaha źviana, a razam z tym i ŭ dačynieńni da kožnaha hramadzianina. Na kožnym etapie dziejnaści: pry raspracoŭcy prajektaŭ, abmierkavańni prapanoŭ, hałasavańni i realizacyi rašeńniaŭ. Va ŭsich abłaściach palityki krainy čałaviek pavinien stać pieršasnym pryjarytetam i adzinym kryteryjem acenki dziejnaści. Taksama i ŭ źniešniaj palitycy. Stratehičnaje napramak — adziny i biassprečny. Heta pradstaŭnictva intaresaŭ litoŭskaha naroda, jaho metaŭ i našaha nacyjanalnaha pačućcia ŭłasnaj hodnaści na mižnarodnaj arenie».
Pradstaŭlać štohadovy dakład prezident pavinien u adpaviednaści z Kanstytucyjaj Litvy. U hetym pasłańni kiraŭnika dziaržavy źmiaščajecca ahlad stanovišča ŭ Litvie, unutranaj i źniešniaj palityki, razhladajucca płany na budučyniu. Dala Hrybaŭskajecie vystupała z dakładam upieršyniu.
Całkam dakład prezidenta Litvy možna pračytać tut.
