TBM — kandydatam u prezidenty: nie treba curacca rodnaj movy 2

U chutkim časie ŭ našaj krainie pačniecca čarhovaja vybarčaja prezidenckaja kampanija, havorycca ŭ zvarocie Sakrataryjata Tavarystva biełaruskaj movy. Roznyja partyi i ruchi pačali vyłučać svaich pretendentaŭ dla ŭdziełu ŭ budučych prezidenckich vybarach. Pry hetym stvarajucca roznyja inicyjatyvy, hrupoŭki i aljansy, drukujucca i ahučvajucca palityčnyja i ekanamičnyja prahramy, źjaŭlajucca zakaznyja intervju i publikacyi, asabliva ŭ apošnija časy.

Usie vystupoŭcy nazyvajuć siabie demakratami, zmaharami za pravy čałavieka, z roznych bakoŭ krytykujuć dziejnuju ŭładu.

Adnak pry hetym nazirajecca vielmi niebiaśpiečnyja tendencyja. Heta poŭnaje, albo značnaje ihnaravańnie dziaržaŭnaj biełaruskaj movy pry ahučvańni ŭ ŚMI svaich prahramaŭ, zajaŭ i płatformaŭ. Prytym značnaja častka mahčymych kandydataŭ dobra viedaje biełaruskuju movu,

I heta adbyvajecca ŭ toj čas, kali ŭvieś narod Biełarusi razumieje pa-biełarusku, a bolš pałovy stavicca da ŭžyvańnia biełaruskaj movy va ŭsich śfierach hramadskaha žyćcia stanoŭča. Samaje cikavaje, što amal usie vyłučency cudoŭna razumiejuć, što sapraŭdnymi kandydatami jany nie stanuć i sto tysiač podpisaŭ hramadzian Biełarusi ŭ svaju padtrymku nie źbiaruć. Rasiejskaja mova tut im tolki pieraškodzić, bo sapraŭdnyja patryjoty ich nie padtrymajuć, a prychilniki ŭłady ich ulotki prosta nie buduć čytać.

Značyć, jany chočuć spadabacca tym palityčnym i finansavym hrupoŭkam na Uschodzie i na Zachadzie, jakija ŭ svaich intaresach padtrymlivajuć rusifikacyju Biełarusi. Tamu ci varta vieryć takim demakratam? Ź biełaruskim narodam treba havaryć pa-biełarusku.

Sakrataryjat TBM

29 červienia 2010 h.

0

0

0

0

0

0