U sistemie adukacyi nieabchodna spynić papieratvorčaść. Ab hetym zajaviŭ siońnia na Minskaj abłasnoj kanfierencyi piedahahičnych rabotnikaŭ u Salihorsku namieśnik ministra adukacyi Biełarusi Kazimir Faryno.
Pavodle słoŭ namieśnika ministra, analiz pakazvaje, što piedahoham časta zamiest taho, kab zajmacca navučańniem i vychavańniem dziaciej, davodzicca pisać roznyja papiery. «Vychodzić: płan na płanie i płanam pahaniaje, i ŭ vyniku ŭ sistemie adukacyi źvierchu ŭniz i źnizu ŭvierch chodzić vialikaja kolkaść papier. Takoha być nie pavinna, — padkreśliŭ Kazimir Faryno, źviartajučysia da namieśnikaŭ staršyń rajvykankamaŭ, jakija kuryrujuć sacyjalnuju śfieru.
Ministerstva adukacyi padrychtavała ŭžo adpaviednyja mietadyčnyja rekamiendacyi, u jakich prapisana, što pavinna być u hadavym płanie.
Taksama namieśnik ministra spyniŭsia na piaci asnoŭnych pryncypach, na jakich u dalejšym pavinna budavacca rabota sistemy adukacyi. Heta zabieśpiačeńnie jakaści, sacyjalnaja aryjentacyja, sistemnaść i kompleksnaść, fundamientalnaść i efiektyŭnaść adukacyi.
Z 1 vieraśnia ŭ škołach uvodzicca treciaja hadzina zamiežnaj movy, paviedamiŭ Kazimir Faryno.