Lider apazicyi Alaksandr Milinkievič atrymaŭ uznaharodu imia Seržyjo Vijera de Meła. Cyrymonija ŭručeńnia adbyłasia ŭ Krakavie.
Uznaharoda dajecca za dziejańni dziela mirnaha suisnavańnia i supracoŭnictva supolnaściaŭ, relihijaŭ i kulturaŭ. Uručajecca jana ad 2004 hodu. Pieršym jaje łaŭreatam staŭ pieršy premjer-ministr postkamunistyčnaj Polščy Tadevuš Mazaviecki. Alaksandra Milinkieviča ŭhanaravali za asabisty ŭniosak u abaronu hodnaści čałavieka, jaho prava na svabodu, a taksama ŭ pabudovu strukturaŭ hramadzianskaj supolnaści i za dziejnaść u imia raźvićcia kultury i biełaruskaj movy. Darečy, Seržyjo Vijera de Meła šmat hadoŭ byŭ pradstaŭnikom Arhanizacyi Abjadnanych Nacyjaŭ pa padtrymańni miru ŭ śviecie. Jon zahinuŭ u 2003 hodzie ŭ Bahdadzie padčas terarystyčnaha aktu.
