Sielhasraboty, na jakija nakiroŭvajucca studenty i staršakłaśniki ŭ vieraśni, nie adabjucca na jakaści ich navučańnia. Takoje mierkavańnie vykazaŭ napres-kanfierencyi 30 vieraśnia namieśnik ministra adukacyi Kazimir Faryno.
Jon vykazaŭ upeŭnienaść, što piedahohi adkarektujuć pracu z ulikam miesiaca sielhasrabot. Prapuščanyja zaniatki buduć pakrytyja fakultatyvami, dadatkovymi zaniatkami, kansultacyjami i da t.p.
«Naprykład, u minułym navučalnym hodzie, kali byŭ abjaŭleny karancin pa hrypie i VRVI, škoły prymianiali dystancyjnyja ŭroki», — adznačyŭ namieśnik ministra. Akramia hetaha, pavodle jaho słoŭ, vierasień tradycyjna źjaŭlajecca miesiacam paŭtoru letašnich viedaŭ.
Adkazvajučy na pytańnie ab metazhodnaści pryciahnieńnia navučencaŭ da sielhasrabot, Faryno zajaviŭ: «Dapamoha va ŭborcy ŭradžaju nieabchodnaja — u hetym niama sumnieńnia».
0
0
0
0
0
0
