23 listapada aktyvisty štaba kandydata ŭ prezidenty Uładzimira Niaklajeva pastavili la Čyhunačnaha vakzała ŭ Minsku kruhłasutkavy pikiet.
U štabie kandydata pierakananyja, što hety krok dapamoža zaklikać ludziej z usioj Biełarusi nie tolki prahałasavać za U.Niaklajeva, ale navat i pryjechać padtrymać jaho na Płoščy 19 śniežnia.
fota zapraudu.info.
Vasil Lavonaŭ vystupaje ŭ padtrymku Niaklajeva. Fota zapraudu.info.
Fota zapraudu.info.
Fota zapraudu.info.
Vystupajučy la novaha namiotu, Niaklajeŭ zaklikaŭ vybarščykaŭ ihnaravać daterminovaje hałasavańnie i hałasavać tolki ŭ dzień vybaraŭ, paśla čaho adstajać svoj hołas na Płoščy. «My budziem razam ad pačatku da kanca.
Kali ŭłada pojdzie na falsifikacyi, na padman, to ja zaklikaju ŭsich pryjści 19 śniežnia a 20 hadzinie na Kastryčnickuju płošču», — zajaviŭ Niaklajeŭ.
Razam z Uładzimiram Niaklajevym u adkryćci kruhłasutkavaha pikietu la čyhunačnaha vakzała prymali ŭdzieł Hienadź Buraŭkin, Źmicier Vajciuškievič, Uładzimir Arłoŭ, Vasil Lavonaŭ, a taksama niekalki dziesiatkaŭ aktyvistaŭ kampanii «Havary praŭdu!». Hetaja šumnaja kampanija pryciahvała uvahu minakoŭ i davoli chutka mierapryjemstva pieratvaryłasia ŭ mitynh. Niaklajevu zadavali pytańni z natoŭpu, a jaho paplečniki tłumačyli, čamu vyrašyli dałučycca mienavita da štabu hetaha kandydata. Vasil Lavonaŭ paviedamiŭ, što daŭno znajomy z U.Niaklajevym i ličyć jaho «mužnym i česnym čałaviekam, mienavita takim prezidentam, jaki patrebny biełarusam». Hienadź Buraŭkin adznačyŭ, što viedaje kandydata vielmi daŭno: «Ja viedaju Prakopyča jak čałavieka pryncypovaha, nie tolki jak paeta. Boh talentaŭ aby kamu nie daje». Ab daŭnim znajomstvie havaryŭ i Uładzimir Arłoŭ.
«Niaklajeŭ nie pabajaŭsia mianie niekali ŭziać na pracu ŭ «Krynicu», paśla majho zvalnieńnia ŭ «Mastackaj litaratury». Ja ŭdziačny jamu za heta.Uładzimiru zakidajuć, što jon budzie drennym kiraŭnikom, ale ja spytaju ŭ vas, kim byŭ Łukašenka? Dyrektaram saŭhasu. Niaklajeŭ kiravaŭ Sajuzam piśmieńnikaŭ — heta našmat składaniej».
Tym časam sam kandydat razmaŭlaŭ ź ludźmi. Pytalisia pra pryčyny, jakija vymusili Niaklajeva bałatavacca ŭ prezidenty, lubimy vid sportu, pra pavyšeńnie piensij i ab Płoščy. Niaklajeŭ adkazvaŭ pierakanaŭča, zajaviŭ, što z krainy nie źjedzie ŭ lubym vypadku i vieryć, što 19 śniežnia «upadzie taja śniažynka, jakaja vykliča sapraŭdnuju łavinu». Kandydat ad kampanii «Havary praŭdu!» šmat havaryŭ pra Vacłava Haveła, pra niemahčymaść adzinaha kandydata ad apazicyi. Zaznačyŭ taksama, što pryjdzie 24 listapada na akcyju pratestu, što maje adbycca na Kastryčnickaj płoščy Miensku.
Pierad zaviaršeńniem mitynhu Niaklajeŭ raskazaŭ, ab čym by chacieŭ zapytać Łukašenku na debatach: «Ja b zapytaŭsia ŭ jaho, ci jon nie razumieje, ci nie uśviedamlaje, što davioŭ krainu da krajnaści i kali nie sydzie sam, to jaho pryjdziecca skidvać».
