40 litoŭskich intelektuałaŭ patrabujuć vyzvaleńnia Alaksandra Fiaduty 6

Fota Radyjo Svabody

U paniadziełak u kancylaryju prezidenta Litoŭskaj Respubliki byŭ pieradadzieny adkryty list z zaklikam zrabić usie mahčymyja zachady, kab aryštavany 20 śniežnia ŭ Minsku litaraturaznaŭca, žurnalist, palitołah Alaksandr Fiaduta jak maha chutčej byŭ vypuščany na svabodu.

List padpisali paet i litaraturaznaŭca prafiesar Tomas Viencłova, paet i pierakładčyk Antanas A. Joninas, mastactvaznaŭca Łajma Łaučkajtie-Surhajlenie, fiłosaf prafiesar Arunas Śvierdyjołas, linhvist prafiesar Eleanora Łasan, historyk i palitołah prafiesar Šarunas Lekis, akademik Litoŭskaj katalickaj akademii navuk Paŭlus Subačus, kalehi aryštavanaha litaraturaznaŭca (ź Vilenskaha univiersiteta, kaŭnaskaha Univiersiteta Vitaŭta Vialikaha, Instytuta litoŭskaj litaratury i falkłoru i inšych navučalnych ustanoŭ i akademičnych instytutaŭ) — ahułam sorak čałaviek.

Adzin z saraka padpisantaŭ, člen Jeŭraparłamienta fiłosaf Leanidas Donskis, asobna vykazaŭ zakłapočanaść aryštam «adkrytaha, advažnaha i talenavitaha biełaruskaha intelektuała», jaki padtrymaŭ vybarčuju kampaniju paeta, hanarovaha staršyni biełaruskaha PEN-centra Uładzimira Niaklajeva. List raźmieščans ŭ peticijos.lt, dzie možna da jaho dałučycca. Akramia taho, jano apublikavana ŭ prabiełaruskim, jak možna zrazumieć pa spasyłkach, litoŭskaj resursie sienosgrius

0

0

0

0

0

0