Na Pieršym łukašenkaŭskim telekanale ŭ niadzielu vyjšaŭ novy prapahandyscki film «Płošča. Žalezam pa škle». Stužka apaviadała pra padziei 19 śniežnia na Płoščy i tamu, što joj papiaredničała.
U pryncypie, ničoha vyrazna novaha ŭ filmie nie prahučała.
U pačatku aŭtary zasiarodzilisia na tym, što kandydaty zaklikali nie na vybary, a na Płošču.
Potym vialikaja častka była pryśviečanaja padrychtoŭcy «teraktaŭ».
U kadry źjaŭlajecca homielski pradprymalnik Juryj Pančuk, jaki kaža, što ad Mikałaja Statkieviča jamu pastupiła zamova na vytvorčaść «mietaličnych štyroŭ».Byccam by tyja štyry niemahčyma kupić u Minsku, u luboj kramie budaŭničych vyrabaŭ — armatura ž masava vykarystoŭvajecca ŭ budaŭnictvie. Dyrektar Žłobinskaha
U filmie šmat fihuruje telefonnych razmovaŭ kandydataŭ i (byccam by) udzielnikaŭ ich kamandaŭ. Ale jany nastolki niekankretnyja, što nijakaj novaj infarmacyi nie dajuć. Takija razmovy mahli zapisać i sieksoty, i navat aktory. Jany ŭsprymajecca, chutčej, jak hordaja kanstatacyja taho, što ŭ krainie «padsłuchoŭvajuć usich» i tamu praz telefon nichto ničoha surjoznaha nie kaža.
Siarod telefonnych razmovaŭ byli i psichadeličnyja: niejkaja mama telefanuje ŭ milicyju, što jaje
Usio heta na poŭnym surjozie!
Taksama na poŭnym surjozie ŭ źbićci Uładzimira Niaklajeva abvinavacili inšych kandydataŭ (Sańnikava, Statkieviča, Rymašeŭskaha), jakija, maŭlaŭ, byli niezacikaŭlenyja ŭ tym, kab lidar «Havary praŭdu» ŭznačaliŭ Płošču.
Ale ž dziasiatki žurnalistaŭ byli śviedkami taho, chto i našto źbivaŭ Niaklajeva, — kab zabrać hukaŭzmacnialnuju aparaturu.
Pavodle BT, Sańnikavu na kampaniju było «vydzielena» paŭmiljona dalaraŭ.
A voś Niaklajeŭ zmoh pieravieźci ŭ Biełaruś 1 miljon 668 tysiač 550 dalaraŭ, choć rabiŭ zapyt na 16 miljonaŭ.
Jaho sponsarami nazyvajuć amierykanski Nacyjanalny fond u padtrymku demakratyi, a taksama niejki jeŭrapiejski fond SIMPFA (prahučała nievyrazna, ciažka było razabrać). Fond SIMPFA nam nieviadomy, a NFPD (NED) — heta amierykanskaja fundacyja, jakaja była zasnavanaja za Rejhanam dla prasoŭvańnia demakratyi ŭ śviecie. Na našu dumku, amal niejmavierna, kab kampanija «Havary praŭdu» atrymlivała srodki ad NFPD. Najchutčej, krynicy ščodraha finansavańnia «Havary praŭdu» zastajucca dla śpiecsłužbaŭ nieviadomymi.
Voś jakuju schiemu dastaŭki hrošaj namalavali aŭtary filma.
Siarhiej Vaźniak nibyta jechaŭ u Vilniu, dzie atrymlivaŭ hrošy ad Andreja Dźmitryjeva, a potym źmiaščaŭ ich na vakzale ŭ kamiery zachoŭvańnia ŭ roznych adździełach. Potym źviazvaŭsia praz skajp z kurjerami, jakija pryjazdžali hrošy zabirać.
Havaryłasia, što idejnych prychilnikaŭ u Niaklajeva nie było, usie pracavali tolki za hrošy.
Darečy, film ahučvaŭ, zdajecca, novy kiraŭnik BT Hienadź Davydźka — u minułym žyćci blizki pryjaciel Niaklajeva, naviednik adnoj ź im łaźni.
Šmat było pakazańniaŭ chłopcaŭ, što ŭdzielničali ŭ akcyi, a potym adbyvali pakarańni ŭ izalatarach časovaha ŭtrymańnia, u tym liku niekalkich, što prachodziać pa kryminalnaj spravie, — pakazany byli Anton Davydzienka, Vasil Parfiankoŭ, Siarhiej Łuhaŭski, Ihar Myśliviec, Mikita Šapuraŭ, hramadzianie Rasii Arciom Breŭs i Alaksiej Jeŭdakimaŭ. Praŭda, i jany ničoha istotnaha nie skazali. Tak, ahulnyja słovy ŭ svajo apraŭdańnie.
Adznačyŭsia ŭ filmie i
«Płošča…» pakazvaje kadry z tysiačami ludziej na vulicach Minska. Vidać, u BT prosta nie było inšych rakursaŭ i jany byli vymušany mižvoli pakazać, nakolki šmatludnym byŭ vystup suprać dyktatury.
Apieratary śpiecsłužbaŭ imknulisia ŭ samyja haračyja punkty padziej.
Naprykład, jany śfilmavali cikavy momant, kali ci to Dźmitryjeŭ, ci to Sańnikaŭ pakazvaje Kastusiovu addrukavany arkuš papiery, dzie havaryłasia pra stvareńnie «Uradu nacyjanalnaha vyratavańnia». Značyć, u kahości z kandydataŭ byli scenary, A, B i V na roznyja vypadki raźvićcia padziej.
BT starałasia abvierhnuć słovy, što «šturmam» Doma ŭrada zajmalisia pieraapranutyja ŭ cyvilnaje milicyjanty i kadebešniki.
Jany navat nazvali niekalki imionaŭ i pakazali ich pry dźviarach Doma ŭrada. Heta
Razam z tym, było paćvierdžana, što ŭ pieršych šerahach dziejničali dziŭnavatyja, raniej sudzimyja asoby. Takimi nazvany byli Vasil Parfiankoŭ i «Navušnik» Uładzimir Chamičenka. Asoby zusim nie zaśviečanyja ŭ apazicyi.
Siarod tych, chto «atakavaŭ», byŭ taksama nazvany
A lidar AHP Anatol Labiedźka i Natalla Kalada sprabavali zakryć kamiery apieratara śpiecsłužbaŭ. I heta taksama fihuravała jak častka «biesparadkaŭ»…
Puścili zapis telefonnych razmovaŭ Statkieviča ź niejkim Sašam, jaki, maŭlaŭ, zvaniŭ z Ukrainy i nastojliva dapytvaŭsia, ci ŭžo «ŭziali Kabmin». Kali vieryć zapisu, jon padbadziorvaŭ Statkieviča: «Zajmaj kresła Sidorskaha i naciskaj na knopki!»
A adzin z samych malaŭničych zvankoŭ — byccam by ad Alaksandra Fiaduty sa štaba Niaklajeva byccam by žoncy Niaklajeva ŭ balnicu. Mužčynski hołas prosić: «Soobŝitie provodyriu, čto naši vošli v Dom pravitielstva. Nu, on znajet». Ciažka skazać, ci takoje telefanavańnie sapraŭdy mieła miesca. Kali tak, značyć, i Fiaduta
Naprykancy było nazvana, što apaznana «bolš za 100» udzielnikaŭ «biesparadkaŭ», a 40 ź ich užo aryštavanyja. Heta nie apošniaja sieryja BT pra padziei na Płoščy.
Film BT trochi dadaje ŭ razumieńnie taho, jakija chady prydumali ŭłady, kab apraŭdać svoj płan razhonu Płoščy, razhromu i zastrašvańnia apazicyi. Film taksama daje mahčymaść acanić, jak šmat ludziej hatovy byli padtrymać radykalny płan skidańnia režymu. Z kadraŭ paŭstaje, pieravažna, spantannaja aktyŭnaść demanstrantaŭ. Nijakich vartych davieru dokazaŭ arhanizavanaj dziejnaści «hrup bajevikoŭ» prademanstravana nie było.
