Suśvietnaja supolnaść pavinnaja rychtavacca da chutkaj sustrečy ź nieziamnymi cyvilizacyjami, havorycca ŭ zajavie brytanskaj Karaleŭskaj akademii navuk pa vynikach daśledavańnia, pryśviečanaha pytańniam isnavańnia žyćcia ŭ Suśviecie.
«Zychodziačy sa znakamitaj formuły Drejka, zhodna ź jakoj možna vyznačyć kolkaść cyvilizacyj u hałaktycy i ŭstupić ź imi ŭ kantakt, my možam śćviardžać, što ŭ kožny asobny momant isnuje ad 10 da 100 nieziamnych cyvilizacyj, — zajaviŭ adzin z aŭtaraŭ dakładu, prafiesar šatłandskaha Sent-Endruskaha ŭniviersiteta Marcin Daminik. — Heta samaja kansiervatyŭnaja acenka, nasamreč intelektualnych formaŭ žyćcia značna bolš».
Formuła była raspracavanaja Frenkam Donaldam Drejkam — prafiesaram astranomii i astrafiziki kalifarnijskaha ŭniviersiteta Santa-Krus u 1960 hodzie. Ciapier brytanskija akademiki prapanujuć stvaryć u strukturach AAN śpiecyjalnaje ahienctva, jakoje budzie zajmacca pytańniami, jakija adnosiacca da mierkavanaj sustrečy ź nieziamnymi cyvilizacyjami, a prafiesar Daminik taksama zaklikaŭ nie bajacca inšapłanietnikaŭ, bo «alternatyŭnyja śviety nie niasuć u sabie niebiaśpieki, što tak malaŭniča apisvajecca ŭ fantastyčnaj litaratury».
gazeta.ru
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
