Zatrymanaha ŭ niadzielu na litoŭskaj miažy siabra BCHD i inicyjatyŭnaj hrupy Vitala Rymašeŭskaha Vadzim Kabančuk asudžany siońnia ŭ Maskoŭskim sudzie na 10 sutak administratyŭnaha aryštu za ŭdzieł u akcyi pratestu suprać falsifikacyi vynikaŭ vybaraŭ 19 śniežnia 2010 hoda na Płoščy Niezaležnaści ŭ Miensku.
Maci Vadzima mahiloŭskaja abłasnaja kaardynatarka BCHD Taisija Kabančuk razam ź inšymi siabrami BCHD dziažuryli siońnia ŭ sudzie z samaj ranicy, kab pieradać pieradaču i daviedacca pra los Vadzima. Ale pabačyć syna i pieradać jamu ježu, pitvo dy ciopłyja rečy ŭ maci tak i nie atrymałasia. U kancylaryi nie davali nijakaj infarmacyi da taho času, jak sud nia skončyŭsia, i Vadzima nie pavieźli nazad na Akreścina.
Nahadajem, Vadzim Kabančuk u niadzielu ŭviečary viartaŭsia ŭ Biełaruś ź Vilni i byŭ zatrymany na pamiežnym pierachodzie Kamienny łoh na miažy ź Litvoj. Jon mieŭ pry sabie kala 100 hazetaŭ pra padziei ŭ krainie paśla prezydenckich vybaraŭ, vydadzienych biełaruskimi aktyvistami pa-za miežami Biełarusi. Mytniki pry ahladzie skanfiskavali hetyja infarmacyjnyja materyjały na ekspertyzu, skłaŭšy adpaviedny pratakoł.
Samoha Kabančuka spačatku bolš za čatyry hadziny trymali na miažy, zatym vyklikali milicyju z Ašmianaŭ i advieźli ŭ miascovy RAUS, dzie skłali pratakoł za byccam by supraciŭ mytnikam.
Čakałasia, što sud nad im adbudziecca ŭ paniadziełak ŭ Ašmianskim sudzie, ale ŭ sakrataryjacie adkazvali, što takoj spravy ŭ ich nie razhladajuć. Paźniej vyśvietliłasia, što ŭčora ŭviečary jaho pieravieźli ŭ Miensk na Akreścina.
