Vizyt pracoŭnaj hrupy Parlamenckaj asamblei ABSE ŭ Miensk moža adbycca 27–29 sakavika. Pradstaŭnika ABSE ŭ pytańniach svabody słova ŭ Biełaruś pakul nie puskajuć.
Jak paviedamili ŭ presavaj słužbie PA ABSE, list pra mahčymaść arhanizacyi takoha vizytu kiraŭnica rabočaj hrupy Uta Capf nakiravała ŭ Pałatu pradstaŭnikoŭ Nacyjanalnaha schodu Biełarusi. Asnoŭnaja meta vizytu — vyvučeńnie sytuacyi ŭ krainie paśla prezydenckich vybaraŭ 2010 hodu.
Akramia taho, naviedać Miensk maje namier pradstaŭnik ABSE pa svabodzie słova Dunia Mijatavič. 24 lutaha padčas sesii PA ABSE ŭ Vienie Mijatavič paviedamiła, što, pavodle jaje źviestak, MZS Biełarusi sprabuje dapamahčy ŭ arhanizacyi hetaha vizytu, jaki moža adbycca ŭ najbližejšaj budučyni.
Mijatavič dvojčy ŭ studzieni hetaha hodu nakiroŭvała listy ministru zamiežnych spraŭ Biełarusi Siarhieju Martynavu z prośbaj arhanizavać jaje vizyt, ale biezvynikova.
Učora ŭ ramkach sesii PA ABSE adbyłosia pasiadžeńnie ahulnaha kamitetu pa demakratyi, pravach čałavieka i humanitarnych pytańniach, na jakim abmiarkoŭvałasia sytuacyja ŭ Biełarusi.
Kiraŭnik karotkaterminovaj misii naziralnikaŭ ABSE na vybarach u Biełarusi Toni Łojd, pradstaviŭšy dakład misii naziralnikaŭ ABSE pa vynikach prezydenckich vybaraŭ, zajaviŭ, što krainie treba budzie prajści jašče doŭhi šlach da demakratyi.
Udzielniki dyskusii taksama abmierkavali sytuacyju z ofisam ABSE ŭ Biełarusi, zajaviŭšy, što rašeńnie aficyjnaha Miensku ab zakryćci ofisa «vyklikaje žal».
