Na sajcie Biełorusskoho partizana źjaviłasia infarmacyja, što A.Łukašenka pryznačyŭ vysokim dziaržaŭnym čynoŭnikam, jakija dasiahnuli pensijnaha vieku, admysłovaje štomiesiačnaje hrašovaje zabieśpiačeńnie. Atrymlivać ich zmohuć tyja, chto nia mienš za piać hadoŭ adpracavaŭ na vysokich dziaržaŭnych pasadach. Jany štomiesiac buduć atrymlivać datacyi ŭ pamiery 75% ad zarobku. Namieśnikam pieršych asobaŭ dziaržavy, staršyniam abłvykankamaŭ -- 70% zarpłaty. Členam uradu j deputatam - 65% zarpłaty. Pryčym havorka, piša «Partyzan», nie pra akład, a jakraz pra zarpłatu – h.zn. z ulikam sumy z nadbaŭkami zvańnie, asablivyja ŭmovy słužby, vysłuhu hadoŭ. Nie daduć pensijaŭ tolki tym, chto byŭ zvolnieny za hrubyja parušejeńni.
Heta byŭ by faktyčna analah savieckich persanalnych pensijaŭ, tolki našmat bolšy ŭ paraŭnańni ź siaredniaj pensijaj pa krainie, bo deputat u takim razie atrymlivaŭ by na siońnia miljony paŭtara ŭ kišeniu štomiesiac. «Partyzan» ćvierdzić, što rašeńnie było ŭžo niehałosna pryniataje.
Pres-sakratar kiraŭnika dziaržavy Pavał Lohki ŭ hutarcy z karespandentam «Našaj Nivy» skazaŭ, što nia maje takich źviestak.
