Hienprakuratura zhodnaja brać u Michaleviča tłumačeńni tolki asabista 16
Siońnia z žonkaj palityka źviazaŭsia śledčy.
Supracoŭnik Hienieralnaj prakuratury, jaki padpisvaŭ Alesiu Michaleviču pazoŭ z vyklikam dla davańnia tłumačeńniaŭ adnosna zajavy palityka pra katavańni ŭ SIZA KDB, źviazaŭsia ź Miłanaj Michalevič.
Jon paviedamiŭ žoncy eks-kandydata ŭ prezidenty, što Aleś Michalevič musić davać hetyja tłumačeńni tolki asabista i tolki na terytoryi Biełarusi. Na pytańnie spadaryni Miłany, ci možna padać u Hienprakuraturu nataryjalna zavieranyja pakazańni, śledčy adkazaŭ admovaj. Jon patłumačyŭ, što ŭ pakazańniach vielmi zacikaŭleny, ale zakanadaŭstva prapanuje vykanańnia pracedury — śledčy musić asabista patłumačyć Michaleviču jaho pravy i papiaredzić pra kryminalnuju adkaznaść.