Hienieralnaja prakuratura Biełarusi papiaredžvaje hramadzian ab kryminalnaj adkaznaści za raspaŭsiudžvańnie čutak ab novych faktach teraryzmu.
Jak zajaviŭ žurnalistam 12 krasavika namieśnik hienieralnaha prakurora, kiraŭnik śledčaj hrupy pa rasśledavańni terakta ŭ minskim mietro Andrej Švied, pravaachoŭnyja orhany adsočvajuć infarmacyju, źviazanuju z faktami prajaŭleńnia teraryzmu, a taksama kamientaryi ŭ ŚMI ŭ suviazi z trahiedyjaj u Minsku.
12 krasavika ŭ Minsku pačali raspaŭsiudžvacca čutki ab tym, što siońnia ŭ stalicy byŭ uzarvany aŭtobus maršrutu № 100. Žychary aktyŭna infarmavali ab hetym adzin adnaho, pierahružajučy sotavyja sietki.
Andrej Švied źviarnuŭsia da hramadzian, jakija 11 krasavika z 17.40 da momantu vybuchu (17.54) znachodzilisia na stancyjach mietro «Kastryčnickaja» i «Kupałaŭskaja», i paprasiŭ akazać dapamohu śledstvu.
