Milicyjant, jaki zastreliŭ z tabielnaj zbroi dziaŭčynu, asudžany na 18 hadoŭ pazbaŭleńnia voli.
Kryminalnaja sprava ŭ dačynieńni da supracoŭnika (ciapier — byłoha supracoŭnika) Rahačoŭskaha RAUS raspačataja 7 lipienia 2010 h. prakuroram Rahačoŭskaha rajona pa p.13 č.2 art.139 KK RB (zabojstva z chulihanskich metaŭ). Paśla jana była pieradadzienaja ŭ śledčy adździeł prakuratury Homielskaj vobłaści.
Vyśvietlena, što
milicyjant streliŭ u hałavu22-hadovaj dziaŭčynie, jakaja 16 lipienia 2010 hoda pamierła ŭ adździaleńni reanimacyi Rahačoŭskaj centralnaj rajonnaj balnicy.
«Kryminalnaja sprava była razhledžanaja ŭ sudzie, i prysudam sudovaj kalehii pa kryminalnych spravach Homielskaha abłasnoha suda supracoŭnik (ciapier — były supracoŭnik) Rahačoŭskaha RAUS pryznany vinavatym u ździajśnieńni inkryminavanaj jamu dziei. Jamu pryznačanaje pakarańnie ŭ vyhladzie pazbaŭleńnia voli terminam na 18 hadoŭ z adbyvańniem pakarańnia va ŭmovach vypraŭlenčaj kałonii ŭzmocnienaha režymu. Prysud ustupiŭ u zakonnuju siłu», — paviedamili ŭ Hienprakuratury.