Siońniašni dzień budzie pryśviečany dopytu śviedkaŭ abarony. Svaich śviedkaŭ zajavili advakaty Niaklajeva, Dźmitryjeva, Pałažanki.
***
17:45
Sudździa abviaściła pierapynak da 10.00 14 maja.
17:35
Pačynajecca dopyt śviedki Juryja Klimoviča. Jon kiravaŭ homielskim vybarčym štabam Vitala Rymašeŭskaha. Klimovič, jak i Kavalčuk, źbiraŭsia pryjechać na Płošču kab achoŭvać tam paradak u družynie Rymašeŭskaha, adnak dajechać nie zmoh. Jaho źniali ź ciahnika.
17:30
Śviedka Kavalčuk tak i nie zmoh dajechać da Płoščy praź pieraškody. Na jaho dumku ŭłady nie dazvolili pryjechać tudy vialikaj kolkaści ludziej, jakija mahli b supraćstajać pravakacyjam, bićciu škła ŭ Domie uradu.
17:20
Sudździa zaprasiła ŭ zalu śviedku Alaksandra Kavalčuka. Jon z Mazyrskaha rajona, taksama źjaŭlaŭsia siabram inicyjatyŭnaj hrupy Vitala Rymašeŭskaha.
A.Kavalčuk raspavioŭ ab składanaściach pracy na vybarach u rehijonach, a taksama ab tym, ź jakimi pieraškodami sutyknuŭsia pa darozie na Płošču (jamu paškodzili aŭtamabil).
17:12
Čarnamorcava: «Nichto ničoha nie pačuŭ… Ludzi vyjšli na praśpiekt i ŭ mianie skłałasia ŭražańnie, što chtości damoviŭsia z DAI, kab ludzi nie padušylisia i mahli prajści tam. Nie čuła nijakich zaklikaŭ z boku DAI. A navat kab jany tam i byli, to ja b ich nie pačuła prach hučnuju papsu».
17:10
Nastupnaja śviedka, zajaŭlenaja advakatam Vitala Rymašeŭskaha, — Valeryja Čarnamorcava. Spadara Rymašeŭskaha jana viedaje ŭžo 10 hadoŭ, padčas vybarčaj kampanii była jaho davieranaj asobaj. Raspaviała, što pravodziła nazirańnie za praviadzieńniem vybaraŭ na adnym z učastkaŭ Minska, adnak była vydalenaja adtul.
V.Čarnamorcava paviedamiła, što mienavita hety fakt prymusiŭ jaje pryjści na Kastryčnickuju płošču.
17:00
Zaraz pakazańni daje Iryna Łohvin. Jana była siabram inicyjatyŭnaj hrupy Vitala Rymašeŭskaha. U razmovie z advakatam jana padćvierdziła, što spadar Rymašeŭski zaklikaŭ na akcyju pratesta padčas svajoj kampanii, adnak hetyja zakliki nie byli antysacyjalnymi — akcyja padavałasia jak vyklučna mirnaja.
Iryna Łohvin taksama ŭdzielničała ŭ Płoščy. Jana zajaviła, što nie čuła ad Vitala Rymašeŭskaha padčas vystupaŭ i šeścia zaklikaŭ da parušeńnia paradku.
16:45
Sudździa Žukoŭskaja zadavoliła chadajnictva advakata Vitala Rymašeŭskaha. «Kab nijakim čynam nie pryciaśnić intaresy Rymašeŭskaha. Kali śviedki tut, to my možam ich apytać», — paviedamiła sudździa.
Zaraz budzie dapytany pradprymalnik z Oršy Jaŭhien Aniščanka. Spadar Aniščanaka išoŭ na Kastryčnickuju płošču razam ź Vitalom Rymašeŭskim. Śćviardžaje, što prysutnyja na Kastryčnickaj płoščy nie zmahli b fizična źmiaścicca na chodnikach praśpiekta Niezaležnaści — ich było zašmat dla hetaha.
16:30
Advakat Vitala Rymašeŭskaha zajaviŭ jašče piać śviedak sa svajho boku. Sudździa abviaściła pierapynak na dziesiać chvilin.
16:15
Buraŭkin pačaŭ z apoviedu ab Niaklajevie. Pieraličyŭ jaho šmatlikija zasłuhi. Paviedamiŭ taksama, što pracavaŭ u kamandzie kandydata ŭ prezidenty Uładzimira Niaklajeva, adnak na Płoščy nie byŭ. «Ja viedaŭ, što heta była mirnaja akcyja, vyklikanaja tym, što žyćcio, jakim my žyviom, daje padstavy sumniavacca ŭ sumlennaści, demakratyčnaści i prazrystaści vybaraŭ», -zajaviŭ spadar Buraŭkin.
16:05
Dopyt Taćciany Proćki skončany. Zaraz budzie dapytany śviedka Hienadź Buraŭkin.
15:54
Taćciana Proćka raskazvaje, čym zajmałasia u miežach kampanii HP. Na jaje dumku, Niaklajeŭ vielm pozna pryniaŭ rašeńnie ŭdzielničać u vybarach. Jana miarkuje, što Niaklajeŭ pryniaŭ rašeńnie ab hetym tolki paśla pieratrusaŭ i aryštaŭ u mai 2010 hoda.
«Sudziačy siońnia Niaklajeva my sudzim usich nas», — zajaviła spadarynia Proćka sudździ Žukoŭskaj.
15:23
Nastupny śviedka — piedahoh Uładzimir Kołas.
Kołas raskazaŭ jak prachodziła akcyja 19 śniežnia. Paviedamiŭ, što da kanca demanstracyi nie dabyŭ, bo bačyŭ, što niama ahulnaha płana i ničoha cikavaha tam nie adbyvałasia. Razam z tym śviedka Kołas zaznačyŭ, što ludzi byli pazityŭna nastrojenyja.
15:09
Nastupny śviedka — Karpaŭ. Muž paciarpiełaj na vuł Kalektarnaj dziaŭčyny, jakaja śviedčyła pierad pierapynkam.
Karpaŭ raspaviadaje, čamu vyrašyŭ pajści na Płošču. Paŭtaraje raspovied svajoj žonki ab napadzie na kałonu Niaklajeva na vuł. Kalektarnaj.
14:53
Nastupnaja śviedka — Taćciana Karatkievič. Jana była siabram inicyjatyŭnaj hrupy Niaklajeva, prymała udzieł u pracy štaba. Advakaty zadajuć jej pytańni, što datyčać arhanizacyi biaśpieki na Płoščy. Taćciana Karatkievič kantaktavała z MUS, KDB i Minharvykankamam. Śviedka raspaviała, što ŭ pryjomnych hetych ustanovaŭ admovili Niaklajevu ŭ sustrečy ź ich kiraŭnictvam.
Niaklajeŭ padčas dopytu Karatkievič paviedamiŭ sudździ, što sproby sustrecca z kiraŭnictvam MUS i KDB byli zroblenyja jašče da atrymańnia papiaredžańnia ad Hienprakuratury.
«Ja čuła jak ludzi ŭ čornym abmiarkoŭvali pamiž saboj źbićcio Niaklajeva. „
Ty jaho zabiŭ“ — skazaŭ adzin ź ich druhomu. Potym jany pravieryli ŭ Niaklajeva puls, udaryli niekalki razoŭ jaho nahami u žyvot i syšli».
14:29
Ciapier dapytvajuć śviedku Kaŭša. Jen piensijanier, žyvie u Breście.
Koŭš kiravaŭ dziejnaściu kampanii HP u Brieście. Raskazvaje pra dziejnaść HP, paviedamiŭ, što palitykaj HP nie zajmałasia. Ni Dźmitryjeŭ, ni Fiaduta, ni Niaklajeŭ, ni Vaźniak, pa jaho słovach, u miežach kampanii HP nie rabili palityčnych zajavaŭ. Razam z tym Koŭš paviedamiŭ, što padčas vybarčaj kampanii kiravaŭ bresckim štabam Niaklajeva.
Koŭš pryvioŭ prykłady parušeńniaŭ i falsifikacyj u Bresckaj vobłaści. Sudździa spyniła jaho.
Koŭš: «Falsifikacyi dasiahnuli takich pamieraŭ, što dalej užo niama kudy».
14:02
Sakratarka paklikała u zału suda śviedku Mikołu Dziemidzienku — adnaho ź lidaraŭ MF.
Dziemidzienka raskazvaje pra padziei na Kastryčnickaj płoščy. Zajaviŭ, što vyrašyŭ iści na płošču jak tolki daviedaŭsia ab dacie praviadzieńnia vybaraŭ.
Praces adnaŭlajecca. Zaraz budzie dapytany kiroŭca aŭtobusa.
13:02
Zaraz śviedčyć studentka jurfaka BDU Karpava. U kampanii HP jana nie udzielničała, jaje muž siabruje ź Dźmitryjevym. Viečaram 19 śniežnia jana była u kałonie Niaklajeva. Karpava paviedamiła, što šeście było mirnym, ludzi mieli tolki ściahi, asabistyja rečy.
Karpava zajaviła, što na Kalektarnaj jaje pavalili ŭ śnieh, kala tvara ŭzarvałasia šumavaja hranata, jana apaliła joj vałasy, paškodziła voka, tvar. Druhaja šumavaja hranata ŭzaravałasia na sumcy.
Hetuju sumku Karpava pryniesła ŭ sud.
Abvieščany pierapynak da 14:00.
12:38
Nastupny śviedka — Ryhor Kastusioŭ.
Kastusioŭ raspaviadaje ab pryčynie padačy skarhi na vynik vybaraŭ. Hałoŭnaja z ich — fakty parušeńnia vybarčaha zakanadaŭstva padčas vybarčaj kampanii.
12:25
Zaraz budzie dapytany śviedka Uładzimir Hančaryk — adziny kandydat u prezidenty na vybarach 2001 h.
Hančaryk paviedamiŭ, što byŭ viečaram 19 śniežnia na Płoščy. Kaža, što adčuvaŭ salidarnaść usich prysutnych. Padćvierdziŭ, što na Kastryčnickaj płoščy była hučnaja muzyka.
Ad Kastryčnickaj da Niezaležnaści Hančaryk išoŭ pa chodnikach. Kaža, što nie čuŭ zaklikaŭ razyścisia. Na płoščy Niezaležnaści spadar Hančaryk byŭ paŭhadziny, razhonu nie bačyŭ.
12:20
Šabietnik taksama byŭ na Kalektarnaj. Raskazvaje, što bačyŭ, što u mikraaŭtobusie była tolki hukaŭzmacnialnaja aparatura. Havoračy pra napad na kałonu Niaklajeva, paŭtaraje pakazańni Pachłopki. Raskazvaje, jak jaho mocna udaryli. «Jany ŭsie vokny raźbili ŭ mikraaŭtobusie. Dastali aparaturu i pahruzili ŭ svoj mikraaŭtobus», — paviedamiŭ Šabietnik.
12:08
Pasiedžańnie adnaviłasia. Fiaduta zajaviŭ, što adčuvaje siabie zadavalniajuča. Ciapier pačynajecca dopyt śviedki Šabietnika.
Śviedka Šabietnik z Rečycy. Hod tamu pačaŭ pracavać u kampanii HP. Potym pracavaŭ u štabie Niaklajeva, raskazvaje pra sustrečy Niaklajeva z vybarščykami u Homieli, Mazyry.
11:53
Pachłopka raspaviała cikavuju detal. Jana kaža, što napadniki byli biez masak. Tym časam Fiaducie stała drenna. Jen paprasiŭ nievialiki pierapynak u pracesie. Sudździa dazvoliła.
11:23
Zaraz budzie śviedčyć Nina Pachłopka. Pachłopka była namieśnicaj kiraŭnika Ruchu napierad, jaki pravodziŭ kampaniju HP. Jana raspaviadaje ab jaje dziejnaści.
Pachłopka: «Ja išła zzadu mikraaŭtobusa. Bačyła usio, jak kidali šumavyja hranaty, jak bili ludziej, jak zabirali aparaturu».
Pachłopka: «Bačyła jak źbivali kiroŭcu našaha mikraaŭtobusa. Jon prosta siadzieŭ za rulem, a jany raźbili škło ŭ aknie mašyny, vyciahnuli jaho i pačali bić dubinkami. Bačyła jak jaho hałava była u kryvi».
«Heta byli treniiravanyja ludzi, biez apaznavalnych znakaŭ, u čornaj vopratcy».
11:06 Zaraz dapytvajuć śviedku Ihara Simbirova. Jon student, siabra kampanii «Havary praŭdu», havoryć, što HP nie zajmałasia palitykaj. Na jaho dumku, dziejnaść HP i dziejnaść štaba Niaklajeva roznyja rečy. Simbiroŭ byŭ u kałonie Niaklajeva, kałt na jaje napali ludzi ŭ čornym. Raskazvaje, jak raźvivalisia padziei, kali kałonu spynili daišniki.
Advakat Niaklajeva paprasiŭ Simbirova pierakazać, što jamu skazali ludzi ŭ čornym. Simbiroŭ:
«Ležać bł.ť, s.ka, nach…j».Taksama paviedamiŭ, što jaho udaryli, pakłali na ziamlu, nastupili nahoj na hałavu. Jon čuŭ, što napadniki pieramaŭlalisia pierad saboj ab hukaŭzmacnialnaj aparatury.
Sudździa zrabiła zaŭvahu Simbirovu za toje, što vykazaŭsia niecenzurna.
10:58
Zaraz dapytvajuć siabra inicyjatyŭnaj hrupy Niaklajeva Siarhieja Anikiejeva, jaki viečaram
10:50
Advakat Nasty Pałažanki taksama zajaviła chadajnictva, kab u zale suda byli zaprošanyja pradstaŭniki pradpryjemstvaŭ, jakija pa viersii abvinavačvańnia paciarpieli ad dziejańniaŭ demanstrantaŭ 19 śniežnia. Na dumku advakataŭ, dokazy abvinavačvańnia vyhladajuć nieabasnavana. U pryvatnaści, u materyjałach spravy havorycca ab tym, što krama «Jeŭrasieć» la univiersama «Centralny» nie mahła pracavać ad 21 da
Prakuror vystupiŭ suprać. A sudździa zajaviła nastupnaje: «U zadavalnieńni chadajnictva na dadzienym etapie — admović. Ale kali abarona zabiaśpiečyć jaŭku pradstaŭnikoŭ zhadanych ustanoŭ i prapryjemstvaŭ, to možam viarnucca da razhladu hetaha pytańnia».
10:45
Prakuror vystupiŭ suprać taho, kab abarona apytała śviedkaŭ u zale suda, ale sudździa zadavoliła chadajnictva advakataŭ tamu, što jany zabiapiečyli jaŭku svaich śviedak.
Repartaž ź piataha dnia sudovaha pracesa:
***
Usie padsudnyja — kandydaty ŭ prezidenty Uładzimir Niaklajeŭ, Vital Rymašeŭski, čalcy vybarčaha štaba Niaklajeva Alaksandr Fiaduta, Siarhiej Vaźniak, Andrej Dźmitryjeŭ, hramadskaja aktyvistka Nasta Pałažanka — abvinavačvajucca na padstavie častki 1 artykuła 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich), što karajecca maksimalnym terminam u try hady.
Sudździoj vystupaje Žanna Žukoŭskaja. Jana ŭžo trapiła ŭ śpis nievyjaznych u krainy Jeŭrasajuza pad
***
Za ŭdzieł u «Płoščy» asudžana ŭžo 22 čałavieki: za ŭdzieł u masavych biesparadkach Vasil Parfiankoŭ pryhavorany da čatyroch hadoŭ pazbaŭleńnia voli ŭ kałonii strohaha režymu; Alaksandr Atroščankaŭ — da čatyroch hadoŭ u kałonii ŭzmocnienaha režymu; Mikita Lichavid — da troch z pałovaj hadoŭ pazbaŭleńnia voli, Dźmitryj Novik i Alaksandr Małčanaŭ — da troch z pałovaj i troch hadoŭ u kałonii ŭzmocnienaha režymu adpaviedna; hramadzianie RF Arciom Breus i Ivan Haponaŭ — da štrafu ŭ 300 bazavych vieličyniaŭ (10,5 młn. rubloŭ) kožny; Dźmitryj Miadźviedź — da troch hadoŭ abmiežavańnia voli biez nakiravańnia ŭ papraŭčuju ŭstanovu. Aleś Kirkievič asudžany na 4 hady źniavoleńnia, Pavieł Vinahradaŭ — na 4 hady, Andrej Pratasienia — 3 hady, Źmicier Drozd — na 3 hady, Uładzimir Chamičenka — 3 hady.
Za padrychtoŭku dziejańniaŭ, što parušajuć hramadski paradak (art. 342), na 2 hady kałonii ahulnaha režymu byŭ asudžany kaardynatar «Jeŭrapiejskaj Biełarusi» Źmicier Bandarenka.
Aproč taho, za złosnaje chulihanstva byli taksama asudžanyja Źmicier Daškievič i Eduard Łobaŭ — na dva i čatyry hady pazbaŭleńnia voli adpaviedna. Ich zatrymali 18 śniežnia, za dzień da prezidenckich vybaraŭ.
Uładzimir Łoban asudžany da 3 hod pazbaŭleńnia voli, Andrej Fiedarkievič — da 3,5, Jaŭhien Sakret — da 3, Siarhiej Kazakoŭ — da 3, Dźmitryj Daronin — da 3,5 hadoŭ u kałonii ahulnaha režymu, Vital Macukievič — da 3 hadoŭ kałonii stroha režymu.
U Minsku parciahvajecca čatyry sudovyja pracesy, na łavie padsudnych — 21 čałaviek, u tym liku piać kandydataŭ u prezidenty (Andrej Sańnikaŭ, Uładzimir Niaklajeŭ, Vital Rymašeŭski, Mikałaj Statkievič, Dźmitryj Us).
