Jaje zatrymali razam z apierataram niezaležnaha telekanała «Biełsat».
27 maja ŭ piatnicu žonka hrodzienskaha žurnalista Andreja Pačobuta Aksana nakiroŭvałasia ŭ sud, kab napisać zajavu na spatkańnie z mužam, a taksama, kab adnieści jamu pieradaču. Razam ź joj byŭ adzin za apierataraŭ niezaležnaha telekanała «Biełsat» i žurnalist Jan Roman. Kala SIZA hrodzienskaj turmy ich zatrymali milicyjanty i advieźli ŭ abłasnuju prakuraturu.
«Nas dźvie hadziny pratrymali ŭ faje budynka abłprakuratury. Potym u nas uziali tłumačeńni i adpuścili», — raskazała «NN» Aksana Pačobut. Pa jaje słovach, pryčynu zatrymańnia im patłumačyli tym, što apieratar «Biełsatu» zdymaŭ režymny budynak.
Nahadajem, što Andrej Pačobut źjaŭlajecca karespandentam polskaj «Hazety vyborčaj». Jaho vinavaciać u parušeńni dvuch artykułaŭ Kryminalnaha kodeksu RB: 368 (častka I) — «abraza» i 367 (častka I) — «paklop» u adnosinach da prezidenta. Pa pieršym ź ich praduhledžana pakarańnie da 2 hadoŭ źniavoleńnia, pa druhim — ad 2 da 4 hadoŭ. Pačobuta ŭtrymlivajuć u śledčym izalatary hrodzienskaj turmy.
Spravu žurnalista budzie razhladać sudździa Spravu hrodzienskaha žurnalista budzie razhladać Vital Lacko. Data suda pakul nie pryznačanaja.
