Kali ŭłady Biełarusi pradoŭžać abmiažoŭvać rabotu rasijskich ŚMI, to Rasija moža, u svaju čarhu, abmiežavać kredytnuju padtrymku hetaj krainy, zajaviŭ kiraŭnik Minfina RF Alaksiej Kudryn.
«Urad Rasijskaj Fiederacyi niepakojać miery administracyi Biełarusi pa strymlivańni abo abmiežavańni srodkaŭ masavaj infarmacyi z Rasii», — pryvodzić słovy Kudryna žurnalistam 13 červienia RIA Novosti.
Jon padkreśliŭ, što kabiniet ministraŭ RF nie moža pakinuć biez uvahi takija vypadki, kali jany adbyvajucca.
«Kali my ŭbačym pamianšeńnie hałosnaści, niepavažlivyja abo niesiabroŭskija kroki adnosna rasijskich ŚMI, na žal, my pavinny budziem brać heta pad uvahu pry vydzialeńni čarhovych kredytaŭ. Kali ŭ najbližejšyja miesiacy paŭtoracca takoha kštałtu miery abmiežavalnaha charaktaru, to my, kaniešnie, pakidajem za saboj prava pryniać miery pa abmiežavańni kredytnaj padtrymki Biełarusi», — skazaŭ Kudryn.
0
0
0
0
0
0
