Ministr enierhietyki Rasii Siarhiej Šmatko nie baicca prablem z apłataj biełaruskim bokam pastavak rasijskich enierhanośbitaŭ.
Pra heta jon zajaviŭ 17 červienia ŭ
Sankt-Pieciarburhu žurnalistam, adkazvajučy na pytańnie, ci nie baicca jon prablem z apłataj Biełaruśsiu pastavak nafty i hazu ŭ suviazi ź finansavym kryzisam u krainie.
«Biełaruskija kalehi kanstruktyŭna nastrojenyja. Była nievialikaja prablema z apłataj za elektraenierhiju, ja liču, što jana pa-partniorsku, chutka, karektna była ŭrehulavanaja. U mianie niama infarmacyi, jakaja b vyklikała tryvohu», — cytuje Šmatko RIA Novosti.
Rasijskaje «Inter RAO JEES» 9 červienia abmiežavała pastaŭki elektraenierhii ŭ Biełaruś u suviazi z zavinavačanaściu biełaruskaha boku. Zavinavačanaść uźnikła z-za prablemy z kuplaj valuty na biełaruskim rynku.
Pavodle vynikaŭ biełaruska-rasijskich pieramoŭ byŭ padpisany hrafik płaciažoŭ, u adpaviednaści ź jakim biełaruski bok abaviazvajecca pahasić zavinavačanaść za rasijskuju elektraenierhiju da 5 lipienia. Taksama była dasiahnuta damoŭlenaść ab tym, što «Inter RAO JEES» adnović pastaŭki elektraenierhii z 00.00 13 červienia.
«Biełenerha» 14 červienia ažyćciaviła pieravod pieršaha tranšu ŭ miežach pahašeńnia doŭhu pierad «Inter RAO JEES» za pastaŭlenuju elektraenierhiju.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH