Budzie viesieła. U piku maŭklivym pratestam łukašenkaŭcy zapuściać na Kastryčnickaj płoščy dyskateku 55

Minsk, 22 červienia.

U redakcyju «Narodnaj voli» źviarnuŭsia student adnoj ź minskich VNU, jaki paprasiŭ nie nazyvać jaho proźvišča. Pa jaho słovach,

administracyi minskich navučalnych ustanoŭ atrymali zahad nakiravać 29 červienia na Kastryčnickuju płošču pa 100 studentaŭ-prychilnikaŭ Łukašenki.



Prarektar pa vychavaŭčaj pracy Biełaruskaha dziaržaŭnaha ŭniviersiteta fizyčnaj kultury Alaksiej Hatatulin paćvierdziŭ: «Zaŭtra na Kastryčnickaj płoščy ad 18.00 da 21.00 budzie adbyvacca maładziožnaja dyskateka».

Heta moža aznačać, što ŭłady vyrašyli admovicca ad raniejšaj taktyki zastrašvańnia zatrymańniami. Budzie sproba pieravažyć kolkaściu.

U sacyjalnych sietkach u adkaz užo prahučali zakliki: «Pierakanajem i dałučym!».

Junaki spadziajucca pieratvaryć dyskateku ŭ placoŭku dyjałohu.

U sacyjalnych sietkach hučać zakliki prychodzić na tyja samyja płoščy. Taksama zavadatary pratestaŭ zaklikajuć junakoŭ, jakich zahoniać na dyskateku, vychodzić z zaharodak i dałučacca da Narodnych hulańniaŭ.

U svaju čarhu, vystupajučy pierad vypusknikami 28 červienia, Alaksandr Łukašenka zaklikaŭ ich «być patryjotami i nie paddavacca na pravakacyi».

Kab stvaryć «pieravahu ŭ liku», pradstaŭniki BRSM abvieścili, što źviazuć na 29 červienia ŭ Minsk pieramožcaŭ konkursu junych pamočnikaŭ družyńnikaŭ z usioj krainy.

Siarhiej Hiezhała

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH