Pradstaŭniki Ministerstva achovy zdaroŭja Biełarusi, hałoŭnyja ŭračy staličnych klinik i ich namieśniki pabyvali 9 žniŭnia na ekskursii ŭ śledčym izalatary № 1 MUS na vulicy Vaładarskaha ŭ Minsku. Hetym vizitam u SIZA Hienieralnaja prakuratura praciahnuła antykarupcyjnuju prafiłaktyčnuju kampaniju siarod čynoŭnikaŭ.
Raniej tut pabyvali pradstaŭniki ministerstvaŭ pramysłovaści, pa padatkach i zborach, sielskaj haspadarki i charčavańnia, architektury i budaŭnictva.
Naviedvalniki, jakich supravadžali pradstaŭniki Hienprakuratury i administracyi izalatara, ahledzieli pamiaškańni SIZA, kamiery, dzie znachodziacca padślednyja, u tym liku žančyny i niepaŭnaletnija. Pabyvali ŭ raźmiaščeńni
Zatym, vysłuchaŭšy paviedamleńnie pra situacyju z karupcyjaj u krainie ŭ cełym i ŭ sistemie achovy zdaroŭja ŭ pryvatnaści, miedyki atrymali mahčymaść zadać supravadžalnikam pytańni.
Jak ni dziŭna, u tym liku dla pradstaŭnikoŭ Hienprakuratury, nichto ź ich nie zapytaŭ pra miedycynskaje zabieśpiačeńnie śpieckantynhientu.Zatoje naviedvalniki SIZA pacikavilisia, ci byli ŭcioki ź izalatara i jakaja situacyja z karupcyjaj u sistemie Ministerstva adukacyi.
Načalnik adździeła Hienprakuratury pa nahladzie za vykanańniem zakanadaŭstva ab baraćbie z karupcyjaj i arhanizavanaj złačynnaściu Ihar Hrejba prapanavaŭ miedykam «padzialicca ŭražańniami ad ubačanaha z kalehami, danieści infarmacyju, aryjentavać svaich rabotnikaŭ na toje, što pakarańnie niaŭchilnaje». Zaklikaŭ aktyŭna zajmacca prafiłaktykaj karupcyi, šukać pryčyny i ŭmovy, jakija spryjajuć učynieńniu takich złačynstvaŭ.
