Ludzi ŭkładali rubli ŭ pralnyja mašyny i ladoŭni 1

U studzieni-lipieni ŭ Minsku nazirŭsia značny rost prodažu pralnych mašyn i chaładzilnikaŭ.

Jak paviedamili ŭ Hałoŭnym statystyčnym upraŭleńni Minska, u naturalnym vyražeńni rost prodažu pralnych mašyn u paraŭnańni z adpaviednym pieryjadam minułaha hoda skłaŭ 67,5% (pradadziena 20,2 tys. štuk), chaładzilnikaŭ i marazilnikaŭ — 49,6% (31,5 tys. štuk), kalarovych televizaraŭ — 9,8% (25,7 tys. štuk). Rost prodažu sintetyčnych myjnych srodkaŭ skłaŭ 23,4%.

Pačynajučy z krasavika 2011 hoda ŭzros pakupnicki popyt na šerah biełaruskich tavaraŭ. Tak, udzielnaja vaha prodažu ajčynnych pralnych mašyn u ahulnym abjomie prodažu hetych tavaraŭ u arhanizacyjach handlu ŭzros z 21% u sakaviku da 67,3% u lipieni, budaŭničych materyjałaŭ z 44,4% da 62,9%, chaładzilnikaŭ i marazilnikaŭ z 46,1% da 68,1%, sintetyčnych myjnych srodkaŭ z 18,2% da 35,4%.

Udzielnaja vaha niecharčovych tavaraŭ u ahulnym abjomie roźničnaha tavaraabarotu skłała 51,6%. U studzieni-lipieni 2011 hoda nasielnictvu pradadziena niecharčovych tavaraŭ na 5 trłn. 526 młrd. rubloŭ, ci ŭ supastaŭnych cenach na 16,1% bolš uzroŭniu studzienia-lipienia 2010 hoda.

Na 37,8% vyras prodaž u supastaŭnych cenach nižniaj bializny, budaŭničych materyjałaŭ — na 36,2%, farmaceŭtyčnych tavaraŭ — na 35,9%, abutku — na 24,3%, parfumierna-kaśmietyčnych tavaraŭ — na 12,8%, pančošna-škarpetačnych vyrabaŭ — na 10,1%.

Razam z tym nazirajecca niaznačnaje źnižeńnie prodažu matornaha paliva (na 1,9%).

Dola prodažu niecharčovych tavaraŭ ajčynnaj vytvorčaści ŭ roźničnym tavaraabarocie handlu ŭ studzieni-lipieni 2011 hoda skłała 46,5% (u studzieni-lipieni 2010 hoda — 50,4%).

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH