Kačka‑dzivačka. Polskaja paezija dzieciam. – Miensk: «Radyjoła‑plus», 2006.
Vyjšła z druku antalohija polskaj dziciačaj paezii pa‑biełarusku «Kačka‑dzivačka». Jana, kažuć układalniki Lavon Barščeŭski i Ŭładzimier Siŭčykaŭ, składzienaja z najlepšych vieršaŭ za apošnija sto piaćdziesiat hadoŭ ‑‑ ad Uładzisłava Syrakomli dy Juljana Tuvima da Daroty Hielner. Teksty padajucca ŭ aryhinale i pa‑biełarusku.
Siarod pierakładčykaŭ – Ryhor Baradulin, Aleh Minkin, Anatol Vialuhin, Piatruś Makal, Siarhiej Dziarhaj, bolšuju ž častku raboty zrabili sami ŭkładalniki.
Mastačka Alena Karpovič azdobiła knižku hustoŭnymi čorna‑biełymi ilustracyjami. «Toje, što jany čorna‑biełyja, heta tolki plus, ‑‑ śmiajecca Ł.Barščeŭski. – Dzieci mohuć sami ich razmalavać jak zachočuć».
Kniha nadta dobraja. Kožnamu małomu spadabajecca. Zastajecca zrabić try pažadańni vydaŭcam.
Kab nastupny raz pieravydali jaje biaz polskich tekstaŭ. Jany dzieciam biez patreby. Kniha ž dla ich, a nie dla intelektuałaŭ.
Kab na miescy kožnaha polskaha tekstu stajali malunki. Tady dzieciam cikaviej budzie čytać i lahčej zapaminać vieršyki.
I kab tyraž byŭ bolšy prynamsi ŭtraja suprać ciapierašniaj tysiačy asobnikaŭ, bo takuju miłuju knihu zachoča mieć kožnaja biełaruskaja mama.
