Kniha składajecca z najbolš admietnych tvoraŭ davajennaj prozy, jakija ŭpieršyniu ŭ Biełarusi publikujucca asobnym vydańniem. Hetyja teksty śviedčać pra svojeasablivy styl piśmieńnika, što vyrazna vyłučaŭsia z kanonaŭ tahačasnaha savieckaha piśmienstva.
Akampanujuć im uspaminy Jurki Vićbiča pra litaraturnaje zhurtavańnie «Uzvyšša», siabram jakoha jon byŭ, dy listy, pryśviečanyja mižvajennaj biełaruskaj litaratury.
Nazvu knizie dało adno z apaviadańniaŭ Jurki Vićbiča. «Łšono Haboo Bijrušałajm» — heta viadomaje habrejskaje vysłoŭje, jakoje ŭ pierakładzie z staražytnahabrejskaj movy aznačaje «U nastupnym hodzie ŭ Jerusalimie».
U jakaści ŭkładalnika knihi vystupiŭ Lavon Jurevič. Jon ža napisaŭ i pradmovu da knihi. Redaktary — Cichan Čarniakievič i Natalla Hardzijenka.
Źmieščanyja ŭ zborniku tvory byli ŭpieršyniu apublikavanyja na pačatku
«Arcybiskup i śmierd»- heta prykład svojeasablivaj histaryčnaj prozy. «Śmierć Irmy Łajminh» i «Łšono Haboo Bijrušałajm» raspaviadajuć pra pieršyja hady savieckaj ułady ŭ Biełarusi, pakazvajuć ich adrozna ad taho, jak hetaha patrabavała savieckaja prapahanda. U tvory, što daŭ nazvu zborniku,
adlustravany niepaŭtorny kałaryt habrejskaha miastečka, jahony śviet, razburany revalucyjnymi padziejami.Mienavita tamu Jurka Vićbič byŭ abvinavačany krytykami ŭ nacdemaŭščynie i sijaniźmie i nie byŭ pryniaty navat u kandydaty ŭ Sajuz savieckich piśmieńnikaŭ BSSR. Zrazumieła, što paźniej u Savieckaj Biełarusi hetyja tvory bolš nie pieravydavalisia, a asoba samoha Jurki Vićbiča, što ŭ pavajenny čas žyŭ u ZŠA, malavałasia vyklučna čornymi farbami. Tamu šyrokamu kołu čytačoŭ źmieščanyja ŭ zborniku tvory byli nieviadomyja».
Pa słovach redaktara knihi Cichana Čarniakieviča, «u artykułach, narysach, šmatlikich listach Vićbič adnaŭlaje ŭsie pierypietyi litaraturnaha pobytu i histaryčnych varunkaŭ, u jakija jamu daviałosia žyć da vajny. Kniha „Łšono Haboo Bijrušałajm“, takim čynam, ― vielmi kaštoŭny materyjał nie tolki dla fiłołaha, ale i dla historyka, krajaznaŭca, jaki cikavicca Viciebščynaj».
Vydańnie źjaŭlajecca novaj sprobaj viartańnia tvorčaj spadčyny Jurki Vićbiča ŭ Biełaruś i raźličana jak na litaraturaznaŭcaŭ i historykaŭ, tak i na ŭsich amataraŭ biełaruskaj litaratury.
***
Łšono Haboo Bijrušałajm: davajennaja proza / Jurka Vićbič. Minsk Knihazbor:, 2011. — 232 s.- (Biblijateka Baćkaŭščyny; kn. 19).