zajaviŭ 16 vieraśnia napres-kanfierencyi ŭ Minsku aktyvist apazicyi Mikita Lichavid.
Jon byŭ pryhavorany pa spravie ab masavych biesparadkach 19 śniežnia ŭ Minsku da troch z pałovaj hadoŭ kałonii ŭzmocnienaha režymu. 14 vieraśnia Lichavid byŭ vyzvaleny na padstavie ŭkaza Alaksandra Łukašenki ab pamiłavańni.
Aktyvist paviedamiŭ, što 81 dzień pravioŭ u štrafnym izalatary, heta značyć źjaŭlaŭsia złosnym parušalnikam, a tamu nie traplaŭ ni pad adzin artykuł ab pamiłavańni. Jon padkreśliŭ, što nikoli b nie staŭ prasić ab pamiłavańni prezidenta, kali im źjaŭlajecca Łukašenka.
Lichavid źviarnuŭsia da «supracoŭnikaŭ palityčnaha adździeła KDB, niekatorych supracoŭnikaŭ AMAPa, inšych siłavych struktur, palityčnych dziejačaŭ, čynoŭnikaŭ, na jakich trymajecca režym».
«Jany pavinny razumieć, što nie ŭsio viečna, što nadydzie čas, kali im daviadziecca adkazvać za svaje dziejańni, daviadziecca za ŭsio płacić.Mahčyma, kali źmienicca palityčny režym, im udasca ŭciačy z krainy, paźbiehnuć adkaznaści. Ale turma nie samaje strašnaje pakarańnie. Samaje strašnaje, kali imia čałavieka akazvajecca ŭ zabyćci», — skazaŭ jon.
Na dumku Lichavida, tyja, na kim trymajecca siońniašni režym, «pavinny viedać, što jany sami ŭtaptali svaje imiony ŭ brud». «Pamiatajcie pra svaich dziaciej, jakim budzie soramna za vas, za proźviščy, jakija jany nosiać. Vas nielha nazvać ludźmi, tamu što vy adpraŭlajecie ludziej na katavańni. Vy parušajecie nie tolki jurydyčnyja zakony, ale i maralnyja. Nivodzin narmalna vychavany čałaviek nie budzie rabić toje, što robić siońniašni režym», — miarkuje jon.
