Nacyjanalny bank paćviardžaje, što z 20 kastryčnika 2011 hoda na Biełaruskajvalutna-fondavaj biržy (BVFB) pačynaje funkcyjanavać adzinaja handlovaja siesija. Z hetaha ž dnia ŭ Biełarusi admianiajucca miežy vahańniaŭ koštu košyka valut.
Jak adznačajecca ŭ raspaŭsiudžanym 18 kastryčnika paviedamleńni Nacbanka, hetyja miery buduć pryniatyja ŭ adpaviednaści z płanam mierapryjemstvaŭ pa vychadzie na adziny raŭnavažny kurs biełaruskaha rubla na ŭsich siehmientach valutnaha rynku.
Nacbank taksama paviedamlaje, što padčas tarhoŭ na BVFB
maje namier pravodzić «minimalnyja valutnyja interviencyi, jakija buduć skiravanyja vyklučna na zhładžvańnie rezkich vahańniaŭ abmiennaha kursu».
Na adzinaj handlovaj siesii budzie ažyćciaŭlacca kupla i prodaž zamiežnaj valuty subjektami valutnych apieracyj, u tym liku abaviazkovy prodaž zamiežnaj valuty. Vyznačanyja ŭ sakaviku 2011 hoda pryjarytetnyja kirunki kupli zamiežnaj valuty (dla apłaty vyrabaŭ miedycynskaha pryznačeńnia, pryrodnaha hazu i elektraenierhii) admianiajucca.
Kurs kupli i prodažu zamiežnaj valuty na adzinaj handlovaj siesii BVFB budzie ŭstanaŭlivacca pa vynikach fiksinhu zychodziačy z popytu i prapanovy.
Kurs fiksinhu na adzinaj handlovaj siesii budzie źjaŭlacca aficyjnym kursam Nacyjanalnaha banka z dnia, što idzie za dniom praviadzieńnia tarhoŭ. Miežy vahańniaŭ koštu košyka valut, ustanoŭlenych na 2011 hod, admianiajucca.
Jak rastłumačyli ŭ Nacbanku, pryviazka da košyka valut zachoŭvajecca i budzie vykarystoŭvacca dla «analityčnych metaŭ».
U Nacbanku taksama padkreślili, što režym funkcyjanavańnia pazabiržavoha valutnaha rynku zastajecca bieź źmianieńniaŭ.
Na im buduć ažyćciaŭlacca:
— kupla zamiežnaj valuty bankami ŭ subjektaŭ valutnych apieracyj u sumie nie bolšaj za łot, ustanoŭleny na biržavych tarhach, adnoj z zamiežnych valut u dzień pa kožnym subjekcie valutnych apieracyj;
— prodaž zamiežnaj valuty bankami subjektam valutnych apieracyj u sumie nie bolšaj za łot, ustanoŭleny na biržavych tarhach, adnoj z zamiežnych valut pa kožnym kantrakcie (pahadnieńni, apieracyi), ale nie bolšaj za łot, ustanoŭleny na biržavych tarhach, u dzień pa kožnym subjekcie valutnych apieracyj;
—
Jak zajaŭlajuć u Nacbanku,
valutna-abmiennyja apieracyi z udziełam fizičnych asob u ramkach dziejnaha zakanadaŭstva buduć ažyćciaŭlacca biez abmiežavańniaŭ.
Nahadajem, da pryviazki abmiennaha kursu biełaruskaha rubla da košyka valut, u jaki ŭvachodziać roŭnymi dolami dołar ZŠA, jeŭra i rasijski rubiel, Nacbank pierajšoŭ z 2 studzienia 2009 hoda. U studzieni 2011 hoda kiraŭnik Nacbanka Piotr Prakapovič zajaŭlaŭ, što źnižeńnie aficyjnaha kursu biełaruskaha rubla da košyka valut sioleta nie pieravysić 3–5%.
12 maja kalidor vahańniaŭ kursu biełaruskaha rubla da košyka valut byŭ pašyrany z 8% da 12%.
