«Ja śćviardžaju, što heta sprava pačynałasia i pravodziłasia ź vidavočnym palityčnym padtekstam z metaj pieraśledu siabraŭ Pravaabarončaha centra „Viasna“, u pryvatnaści mianie, za pravaabarončuju dziejnaść», — zajaviŭ sudu abvinavačany Aleś Bialacki 4 listapada, u treci dzień sudovaha pracesu. U paćvierdžańnie svaich słovaŭ pravaabaronca začytaŭ niekalki dakumientaŭ z toma pieršaha kryminalnaj spravy № 11081100188, jakija prakuror, daśledujučy materyjały spravy, zhadaŭ tolki mimachodź.
Źviartajučy ŭvahu sudździ na pieršapačatkova abvinavaŭčy ŭchił praviadzieńnia śledstva, što «vidać ź pieršaha pa šosty tom spravy», u jakaści prykładu Aleś Bialacki pryvioŭ vytrymku sa zvarotu śledčaj Departamienta finansavych rasśledavańniaŭ Kasynkinaj da namieśnika načalnika śledčaha adździeła ŭpraŭleńnia pa Mahiloŭskaj vobłaści z prośbaj dapytać adnaho sa śviedkaŭ pa spravie: «Taksama ŭstanoŭlena, što hrašovyja srodki, atrymanyja Bialackim Alaksandram u jakaści dachodu na bankaŭskija rachunki, adkrytyja na jaho imia ŭ zamiežnych bankaŭskich ustanovach, uvozilisia na terytoryju Biełarusi z dapamohaj kurjeraŭ». Dzie ŭstanoŭlena? Kim ustanoŭlena? Hetyja pytańni, jak padkreśliŭ pravaabaronca, śledstva pakinuła biez adkazaŭ.
Dalej — bolej.
U praciah svaich kamientaroŭ Aleś Bialacki pradstaviŭ sudu i prysutnym u zale pasiedžańnia vielmi cikavyja dakumienty, jakija tłumačać usio i jakija bok abvinavačańnia nie źbiraŭsia ahučvać u pracesie.
Pieršy dakumient, začytany abvinavačanym, ujaŭlaje saboj zvarot Kamiteta dziaržaŭnaj biaśpieki RB ad
«Pavažany Andrej Ivanavič,
Tak, na imia kiraŭnika PC „Viasna“ Bialackaha Alaksandra Viktaraviča [ukazvajecca hod i miesca naradžeńnia, adras pražyvańnia — red.], zarehistravany rachunak [ukazvajecca numar rachunku — red.] u banku AB DnB NORD Bankas (Vilnius, Litva). Na imia namieśnika kiraŭnika PC „Viasna“ Stefanoviča Valancina Kanstancinaviča [ukazvajecca hod, miesca naradžeńnia i adras pražyvańnia — red.], zarehistravany rachunak u banku AB SEB bankas.
Zajaŭnikam pradstaŭleny ksierakopii dakumientaŭ pra zarehistravanyja na imiony Bialackaha i Stefanoviča rachunki ŭ nazvanych bankach, a taksama ruch hrašovych srodkaŭ (prykładajucca). Nazvanyja hrašovyja srodki ŭvoziacca naručnym šlacham pradstaŭnikami PC „Viasna“ ŭ abjomach, dapuščalnych zakanadaŭstvam, i vykarystoŭvajucca ŭ supraćpraŭnych metach, a taksama dla asabistych patrebaŭ Bialackaha i Stefanoviča.
Akramia hetaha, zajaŭnikom pradstaŭleny asobnyja kopii raśpisak hramadzianaŭ Respubliki Biełaruś ab pradstaŭleńni Bialackim i Stefanovičam hrašovych srodkaŭ pradstaŭnikam PC „Viasna“ (prykładajucca). Razam z tym, pryniać zakonnaje abhruntavanaje rašeńnie pa materyjałach nie źjaŭlajecca mahčymym praz adsutnaść aficyjnych dadzienych pra fakty rehistracyi Bialackim i Stefanovičam bankaŭskich rachunkaŭ u Litvie, a taksama ruchu hrašovych srodkaŭ pa ŭkazanych rachunkach.
Z ulikam vykładzienaha prosim u maksimalna ścisłyja terminy aformić mižnarodnaje śledčaje daručeńnie dla jaho nakiravańnia ŭ kampietentnyja orhany Litvy. Nami dasiahnutaja damoŭlenaść z kiraŭnikom NCB Interpoła MUS Respubliki Biełaruś [Nacyjanalnaje Centralnaje Biuro Interpoła ŭ Respublicy Biełaruś — red.] pra nieadkładnaje nakiravańnie mižnarodnaha śledčaha daručeńnia pa kanałach Interpoła ŭ Litvu.
Dla atrymańnia dadatkovaj infarmacyi prosim źviazacca pa telefonie 2 199 551 (Dźmitryj Alaksandravič) abo 2 199 525 (Alaksandr Mikałajevič).
Z pavahaj,
Pieršy namieśnik staršyni,
Zatym Aleś Bialacki začytaŭ daručeńnie Švieda (staronka 14 toma pieršaha materyjałaŭ kryminalnaj spravy), nakiravanaje pa vynikach pryviedzienaha vyšej zvarotu namieśniku staršyni Kamiteta dziaržaŭnaha kantrolu Respubliki Biełaruś:
«Dyrektaru Departamienta finansavych rasśledavańniaŭ Vieramku H. I. nakiroŭvajecca zvarot Kamiteta dziaržaŭnaj biaśpieki adnosna kiraŭnikoŭ PC "Viasna" dla arhanizacyi pravierki i pryniaćcia rašeńnia ŭ paradku artykuła 174
I jašče adzin dakumient, źmiest jakoha raskryŭ prysutnym Aleś Bialacki, — heta zvarot KDB ad
«Pavažany Zianon Kuźmič,
U ramkach spravy pa miescy raźmiaščeńnia ofisa niezarehistravanaj arhanizacyi «Pravaabarončy centr» Viasna" (h. Minsk,
Infarmujem dla vyrašeńnia pytańnia pra raspačynańnie kryminalnaj spravy ŭ dačynieńni da funkcyjanieraŭ PC «Viasna».
Z pavahaj,
Staršynia kamiteta
* * *
Kiraŭnik Pravaabarončaha centra «Viasna» i
Sud Pieršamajskaha rajona h. Minska razhladaje kryminalnuju spravu z
Vyzvaleńnia Alesia Bialackaha patrabujuć mižnarodnyja pravaabarončyja struktury, kiraŭnictva Jeŭrasajuza, ZŠA i šerahu inšych demakratyčnych krainaŭ.
Na rachunki Bialackaha i inšych viasnoŭcaŭ ściakalisia srodki na dapamohu represavanym biełarusam.