Iryna Chalip atrymała paštoŭku, jakuju jaje muž,
«Jon adpraŭlaŭ jaje da majho dnia naradžeńnia, jaki byŭ 12 listapada, — paviedamiła Chalip. — Dajšła jana tolki ŭčora. Pakolki heta nie list, a paštoŭka, to jon ničoha nie piša pra siabie, a piša vyklučna pažadańni».
Pavodle słoŭ Chalip, muž pažadaŭ joj, kab «kašmar apošniaha hoda źnik nazaŭsiody, kab pobač sa mnoj byli tolki dobryja ludzi, a vyradki — jak maha dalej».
Chalip taksama paviedamiła, što
pa-raniejšamu nie maje infarmacyi, u jakuju kałoniju i kali budzie pieraviedzieny Sańnikaŭ.
Nahadajem, 16 listapada stała viadoma, što Sańnikava etapiravali z babrujskaj kałonii, adnak kudy mienavita, nie paviedamili ni svajakam, ni advakatu. Jaho žoncy Irynie Chalip 17 listapada ŭdałosia trapić na pryjom da časovaha vykanaŭcy pasady načalnika departamienta vykanańnia pakarańniaŭ MUS Siarhieja Pracenki, jaki paćvierdziŭ, što Sańnikava etapirujuć u inšuju kałoniju ŭ suviazi ź nibyta pahrozaj jaho niebiaśpiecy. Jon taksama paviedamiŭ, što palityka buduć etapiravać praz mahiloŭskuju turmu ŭ Viciebskuju vobłaść. U jakoj mienavita kałonii Sańnikaŭ budzie adbyvać pakarańnie, Pracenka nie kankretyzavaŭ. Adnak advakata Marynu Kavaleŭskuju, jakaja dabivałasia mahčymaści ŭbačyć Sańnikava, da jaho tak i nie puścili.
